დიდ დიღომში, ჰიპერმარკეტ “გუდვილის” მოპირდაპირე მხარეს, სავარაუდოდ, საწყობს ცეცხლი გაუჩნდა. როგორც საგანგებო სიტუაციების სამსახურში “რუსთავი 2”-ს განუცხადეს, ადგილზე ამ წუთებში 11 სახანძრო-სამაშველო ჯგუფი მუშაობს.
მიმდინარეობს დამატებითი ჯგუფის გაგზავნაც.
წინასწარი ინფორმაციით იწვის დაახლოებით 600კვმ. ცეცხლის გაჩენის დროს შენობაში მხოლოდ ერთი ადამიანი იმყოფებოდა, რომელიც მეხანძრე-მაშველებმა უვნებლად გამოიყვანეს.