მადრიდის რეალის მთავარმა მწვრთნელმა ზინედინ ზიდანმა განაცხადა რომ ის თავისი წამყვანი ფეხბურთელების გაშვებას არ აპირებს და მათ შორის არის რაფაელ ვარანიც. ზიდანის თქმით ვარანზე გავრცელებული ინფორმაცია სიმართლეს არ შეესაბამება:
”რაც მედიაში იწერება, ყველაფერი ჭორია და ვარანი არსად წასვლას არ აპირებს. მან 8 წელი გაატარა რეალში და აქ ყოველთვის ბედნიერი იყო არ ვიცი მსგავსი ინფორმაცია საიდან ვრცელდება”. ვარანის რეალიდან წასვლის შესახებ ინფორმაცია ერთი კვირის წინ გავრცელდა და მის მომავალს ინგლისს უკავშირებენ.