თურქეთში მომხდარი აფეთქების შედეგად დაღუპულია 7 და დაშავებულია 10 ადამიანი, – ამის შესახებ ინფორმაციას სააგენტო „როიტერი“ ავრცელებს.
აფეთქება მაშინ მოხდა, როდესაც ქვეყნის სამხრეთ-აღმოსავლეთ რეგიონში ავტომობილმა, რომელსაც სოფლის მცხოვრებლები გადაჰყავდა, გზაზე დამონტაჟებულ ასაფეთქებელ მოწყობილობას გადაუარა და აფეთქდა.
რეგიონის გუბერნატორის ოფისის განცხადებაში აღნიშნულია, რომ ასაფეთქებელი მოწყობილობა სავარაუდოდ „ქურთების მუშათა პარტიის“ მებრძოლებმა დაამონტაჟეს.