საფრანგეთის ეროვნული ასამბლეის ელზასელი დეპუტატი, 68 წლის ჟან ლუკ რეიტზერი, კორონავირუსის დიაგნოზით ქალაქ მიულუზის საავადმყოფოში მოათავსეს.
ეს ქალაქი სტრასბურიდან სამხრეთში 100 კმ-ში მდებარეობს.
მის მდგომარეობას ექიმები სერიოზულად აფასებენ. მან ასამბლეის მუშაობაში მონაწილეობა ბოლოს 25 თებერვალს მიიღო.
მიულუზის რეგიონი საფრანგეთში კორონავირუსის კერად ითვლება, რადგან კორონავირუსის რამდენიმე ათეული შემთხვევა დაფიქსირდა თებერვალში, ამ ქალაქში გამართული ევანგელური შეკრების შემდეგ, სადაც 200 ათასზე მეტმა ადამიანმა მოიყარა თავი.
საფრანგეთის ეროვნული ასამბლეის პრეზიდენტის რიჩარდ ფერანდის თქმით, შეტყობინება უკვე გაეგზავნათ იმ დეპუტატებს, რომლებთანაც შესაძლოა ჟან ლუკ რეიტზერს ახლო კონტაქტი ჰქონოდა.
რუსთავი 2