თავდაცვის სამინისტროში შეფმზარეულების გადამზადება დაიწყო.
ამის შესახებ თავდაცვის მინისტრმა ირაკლი ღარიბაშვილმა ფეისბუქში დაწერა:
“თავდაცვის ძალებში შეფმზარეულების გადამზადება დავიწყეთ.
პროექტი თავდაცვის ძალების მზარეულების გადამზადებას და მათი პროფესიული უნარ-ჩვევების ამაღლებას ისახავს მიზნად. შედეგად ქართველი სამხედროების კვების მენიუ კიდევ უფრო მრავალფეროვანი გახდება და ხარისხი გაუმჯობესდება
თავდაცვის ძალების მზარეულებს მასტერკლასებს საქართველოში ცნობილი შეფმზარეულები – ლევან კობიაშვილი, ლუკა ნაჭყებია, მანუელ ფაუნდეს ბარანდა და მაია კაციაშვილი ჩაუტარებენ. პროექტის მონაწილეები ქართული ჯარის კვების რაციონის გამრავალფეროვნებაზეც იმუშავებენ და მენიუს ახალ კერძებს შემატებენ
პროექტი საქართველოს კულინართა ფედერაციის ჩართულობით ხორციელდება.”