შატილის გზაზე ავტოსაგზაო შემთხვევის შედეგად, მიკროავტობუსი 80 მეტრის სიმაღლიდან გადავარდა, რასაც მსხვერპლი მოჰყვა.
გვესაუბრება თვითმხილველი, რომელიც ტრაგედიის ადგილზე ერთ-ერთი პირველი ჩავიდა და სამაშველო სამუშაოებში მიიღო მონაწილეობა.
“შემთხვევის ადგილზე, ხევში რომ ჩავედი, საშინელი სურათი დამხვდა. მიკროავტობუსი დაახლოებით 100 მეტრის სიმაღლიდან გადავარდა, მგზავრებიდან 17 ქალია, 3 – მამაკაცი. ოციდან ერთი კანადის მოქალაქე ყოფილა, რომელიც ზუსტად არ ვიცით, საიდან მოვიდა, მათ დაემგზავრათ, თუ რა მოხდა.
მერსედესის “სპრინტერის” მიკროავტობუსი სისწრაფით მიდენილა, შემდეგ მუშების გაჩერებულ და ცარიელ მანქანას დასჯახებია და ისიც გადაუგდია ხევში. ამ 20-დან 4 ცოცხალი ამოვიყვანეთ და ერთი მალევე გარდაიცვალა.
მთლიანობაში, 20 მგზავრიდან სამია გადარჩენილი. ერთი ქალბატონი იყო კონტაქტური და მხოლოდ იმას ამბობდა, მტკივა, ნელაო. მგზავრებს შორის მცირეწლოვნები არ ყოფილან, ყველანი 30 წლამდე ასაკისანი არიან. ბისოსთან ეს მოსახვევი სახიფათოა და იქ სწრაფად სიარული დაუშვებელია. ახლა მაშველები მუშაობენ ადგილზე, მუშების მანქანა ხეებშია გაჩხერილი და ის ამოჰყავთ თოკებით”, – უყვება ambebi.ge-ს თვითმხილველი.
არსებული ინფორმაციით, ახალგაზრდები შატილში ექსკურსიაზე იმყოფებოდნენ. დაღუპულების შესახებ ერთ-ერთი ადგილობრივი “ფეისბუქში” წერს.
“დღეს მეგობარმა მომწერა: ვიღაცა იძახდა, გავხედე და ახალგაზრდა გოგოები შემრჩნენ ხელშიო. შენს მზესუმზირებზე მითხრეს, ვიყიდითო – მეთქი გაატანე თუ ეს ბედნიერს გახდით, გამიხარდება – მეთქი.
მეგობარმა, მეც ვუთხარი, თუ ძაან გულით გინდათ წაიღეთ-თქო. ერთი წავიდა მოსაწყვეტად.მეორემ ფული მომიტანა და არ გამოვართვიო. რამდენიმე საათში კიდევ სხვა მოვიდა,ზუსტად იგივე სურვილითო…
ახლა კი ვიგებ, რომ ის ბავშვები, იმ მზესუმზირებზე, მთაზე და შატილზე შეყვარებული, სიცოცხლით სავსე ახალგაზრდები მიკროავტობუსით ხევსურეთის გზიდან გადავარდნენ..
ამ წუთების მდგომარეობა ასეთია -14 გარდაცვლილი და3 მძიმედ დაშავებული..საშინელი ტრაგედიაა..საშინელი..ვწუხვარ და ვიზიარებმათი ოჯახების ტკივილს…”
ამბები