იუსტიციის უმაღლეს სკოლაში საქართველოს მოსამართლეთა XXVIII რიგგარეშე კონფერენციაზე ფარული კენჭისყრის შედეგად იუსტიციის უმაღლესი საბჭოს მდივნად ნიკოლოზ მარსაგიშვილი აირჩიეს.
კენჭისყრაში მონაწილეობას 251 მოსამართლე იღებდა და 248 ხმით ნიკოლოზ მარსაგიშვილმა გაიმარჯვა.
მარსაგიშვილის განცხადებით, დღეს საბჭოს წინაშე მდგარი გამოწვევაა მოსამართლეთა სიმცირე და საქმეთა ჭარბი რაოდენობა.
“მე გახლავართ იუსტიციის საბჭოს მოქმედი წევრი, ანუ საბჭოს მუშაობა ჩემთვის უცხო არ არის. მთავარი გამოწვევები ეს არის მოსამართლეთა სიმცირე, საქმეთა ჭარბი რაოდენობა და აქედან გამომდინარე დანიშნულია კონკურსები და მე ვფიქრობ, ამ კუთხით იმ საქმიანობას რა საქმიანობასაც საბჭო ახორციელებდა მეც ვეცდები, რომ წარმატებით გავაგრძელო ეს საქმიანობა”,- განაცხადა ნიკოლოზ მარსაგიშვილმა.
ამასთან, დღესვე მოსამართლეებმა, მოსამართლეთა კონფერენციაზე იუსტიციის უმაღლესი საბჭოს მოსამართლე წევრებად თეა ლეონიძე და ქეთევან ცინცაძე აირჩიეს.
ცნობისთვის, ნიკოლოზ მარსაგიშვილი საქართველოს იუსტიციის უმაღლესი საბჭოს 2019 წლის 29 ნოემბრის გადაწყვეტილებით, 2019 წლის 2 დეკემბრიდან დღემდე თბილისის საქალაქო სასამართლოს თავმჯდომარე იყო.
იპნ