თურქეთი 27 აპრილიდან 17 მაისამდე სრულ ლოკდაუნზე გადადის.
თურქეთის პრეზიდენტის, რეჯეპ ტაიპ ერდოღანის თქმით, მუშაობას, მცირე გამონაკლისის გარდა, ყველა დაწესებულება შეაჩერებს.
– ჩვენ მკვეთრად უნდა შევამციროთ შემთხვევების რაოდენობა და ისინი 5 ათასზე ნაკლები უნდა იყოს. სხვა შემთხვევაში, მივიღებთ მძიმე შედეგს ყველა სფეროში – ტურიზმით დაწყებული, ვაჭრობითა და განათლებით დამთავრებული, – განაცხადა თურქეთის პრეზიდენტმა.
ქვეყნის მასშტაბით, საქალაქთაშორისო გადაადგილება სპეციალურ ნებართვას დაევემდებარება, საზოგადოებრივი ტრანსპორტი კი 50%-ით შეამცირებს დატვირთვას.
სწავლა შეწყდება სკოლებისა და ბაღების შენობებში, გამოცდები გადაიდება.
ბოლო 24 საათში თურქეთში კორონავირუსის 37.312 შემთხვევა დაფიქსირდა, მათგან 2.716 პაციენტი ასიმპტომურია.
რუსთავი 2