კორონავირუსის ინფექციის საწინააღმდეგო ვაქცინებზე მითების უმრავლესობა საწყისს იღებს 12 მსხვილი პროპაგანდისტისგან.
მკვლევარებმა გაანალიზეს ფეისბუქსა და ტვიტერზე 2021 წლის 1 თებერვლიდან 16 მარტის ჩათვლით გამოქვეყნებული 812 ათასზე მეტი შეტყობინება. აღმოჩნდა, რომ პოსტების უმრავლესობა მოდიოდა 12 ადამიანისა და მათთან დაკავშირებული ორგანიზაციებიდან.
მათი აუდიტორია მოიცავს 59 მილიონზე მეტ ადამიანს, რაც აღნიშნულ თემატიკასთან დაკავშირებით, ყველაზე მსხვილ პლატფორმას წარმოადგენს მთელს მსოფლიოში. არც ერთ ამ ადამიანს არ გააჩნია შესაბამისი სამედიცინო გამოცდილება.
მკვლევარებმა ჩამოთვალეს მათი სახელები: ჯოზეფ მერკოლი, რობერტ ფრენსის კენედი უმცროსი, ტაი და შარლინ ბოლინჯერები (ერთი ორგანიზაციის სახით გაერთიანებულები), შერი ტენპენი, რიცუ ისლამი, რაშიდა ბატარი, ერინ ელიზაბეტი, სეიერ ჯი, კელი ბროგანი, კრისტიან ნორტრაპი, ბენ ტაპერი და კევინ ჯენკინსი.
არ არის აუცილებელი, ადამიანი იყოს ზემოთ ჩამოთვლილთა ექაუნთის გამომწერი. სოციალურ ქსელებში მოხვედრილი ანტივაქცინური პროპაგანდის უმეტესობა, სწორედ მათგან მოდის. ისინი მართავენ ორგანიზაციებს, რომელთაგან თითოეულს ჰყავს 60-მდე თანამშრომელი. ასევე აწარმოებენ აქტივისტებისათვის სასწავლო ლიტერატურას, ახორციელებენ სხვადასხვა აუდიტორიისთვის საკუთარი შეტყობინებების ადაპტირებას, მართავენ შეხვედრებსა და საერთაშორისო კონფერენციის მსგავს ფორუმებს.
მკურნალი