ჯანმრთელ, ახალგაზრდა კაცებში, კორონავირუსის საწინააღმდეგო ვაქცინის პირველი ან მეორე დოზის მიღების შემდეგ, სპერმის რაოდენობისა და ხარისხის დაქვეითება არ ფიქსირდება.
კვლევა ფაიზერის და მოდერნას ვაქცინებით აცრილ კაცებში ჩატარდა.
„ახლა ჩვენ გვაქვს მტკიცებულება, რომელიც კიდევ ერთხელ დაგარწმუნებთ, რომ იმუნიზაციის შემდეგ, სპერმის რაოდენობასთან დაკავშირებული რისკი ძალიან დაბალია“, – აცხადებს ჩიკაგოს რეპროდუქციის ინსტიტუტის სამედიცინო დირექტორი დევიდ კოენი.
„ეს არის დამაიმედებელი მონაცემები, რომლებიც მიგვანიშნებს, რომ სპერმის ხარისხი მნიშვნელოვნად არ იცვლება“, – ამბობს ბრიტანელი პროფესორი ალან პეისი.
კვლევის ფარგლებში არ გამოუკვლევიათ სხვა, მაგალითად, ჯონსონ ენდ ჯონსონის ან ასტრაზენეკას ვაქცინის ზემოქმედება, თუმცა, სამედიცინო სფეროს წარმომადგენლების განცხადებით, არც ამ ვაქცინების შემთხვევაში ელიან განსხვავებულ მონაცემებს.
აღნიშნული კვლევის ფარგლებში, 25-დან 31 წლამდე ასაკის, მხოლოდ 45 კაცი გამოიკვლიეს. სამედიცინო სფეროს წარმომადგენლების თქმით, სრული სურათისთვის, საჭიროა უფრო ფართომასშტაბიანი კვლევის ჩატარება.
იმედინიუსი