რა სიმპტომები ახასიათებს „დელტა“ შტამს
– გაციება სხვანაირად იწყება. ჩინური შტამის დროს იყო ცხვირში გაჭედილობისა და სიმშრალის შეგრძნება, ყნოსვისა და გემოვნების დაქვეითება.
„დელტა“ შტამი რინორეით იწყება, შეიძლება თავიდან ტემპერატურა არ ჰქონდეს ადამიანს, ცოტა მოგვიანებით დაიწყოს და გახანგრძლივდეს.
სხვა კორონავირუსულ ინფექციებს ახასიათებს ყელის ტკივილი, მშრალი ხველა, ტემპერატურის მატება. „დელტა“ შტამის ერთ-ერთი მთავარი განმასხვავებელია, რინორია, ანუ ცხვირიდან გამონადენი და ცხვირთან ასოცირებული შეტევები. რაც წინა შტამების შემთხვევაში ნაკლებად ცირკულირებდა, – ამბობს ინფექციონისტი ალექსანდრე გოგინავა.
„დელტა“ შტამი არის საკმაოდ სახიფათო და ჩვენ ზაფხულის პერიოდში, როდესაც მობილობა გაიზრდება, განსაკუთრებით საზღვაო კურორტებზე, უნდა ვიყოთ ძალიან ფრთხილად.
– მე პირადად მოვუწოდებ საზოგადოებას, რომ მიუხედავად იმისა, რომ რეგულაცია არ გვაქვს და შეზღუდვები არ გვაქვს, მაგრამ იქ, სადაც არის ხალხმრავლობა და ვერ ვახერხებთ დისტანცირებას, თუნდაც ეს იყოს ღია სივრცე, გამოვიყენოთ პირბადე. რეგულაციის მოხსნის მიუხედავად, პირბადე მაინც ვატაროთ, – გვირჩევს გოგინავა.
მისი თქმით, კურორტებზე უნდა იყოს მკაცრი კონტროლი, რათა მეტ-ნაკლებად მოხდეს წესების დაცვა. უნდა შემოწმდეს სასტუმროები, სადაც დამსვენებლები იქნებიან. მკაცრად უნდა გაკონტროლდეს იმ ქვეყნებთან სახმელეთო მიმოსვლები, სადაც ეპიდსიტუაცია გაუარესდება.
ფორტუნა