კლინიკა „ჰერაში“ უპრეცედენტო ოპერაცია ჩატარდა.
გინდ დაიჯერეთ, გინდ არა, 46 წლის ქალბატონი 9.600 კგ წონის საშვილოსნოს ინტრამურალური მიომას ატარებდა. ოპერაცია პროფესორმა ელგუჯა ტარტარაშვილმა ჩაატარა.
სამედიცინო წრეებში ბატონ ელგუჯა ტარტარაშვილისგან მსგავსი ოპერაციების ჩატარება არავის გაუკვირდება, მაგრამ მიომის გიგანტური ზომის გამო გარკვეული რისკები არსებობდა, რომ მდგომარეობა დამძიმდებოდა. საბედნიეროდ, ოპერაციამ და პოსტოპერაციულმა პერიოდმა ყოველგვარი გართულების გარეშე ჩაიარა.
„მიომა ხშირად გვხვდება ქალბატონებში. დაავადების ძირითადი მიზეზი ჰორმონალური დისბალანსია. მკურნალობის მეთოდების სხვადასხვაგვარია. არის შემთხვევები როცა მედიკამენტოზური მკურნალობა შედეგს იძლევა, უმეტეს შემთხვევაში ოპერაციული ჩარევაა სჭირო“, – განაცხადა „ახალ თაობასთან“ ელგუჯა ტარტარაშვილმა.
– რას უნდა მიაქციოს ქალბატონმა ყურადღება, რომ მსგავსი დაავადება არ გამოეპაროს?
– ყველა ქალბატონმა პერიოდულად უნდა მიმართოს გინეკოლოგს. გაუზიაროს საკუთარი ჩივილები და ექიმი ანამნეზის მიხედვით გადაწყვეტს შემდეგ მკურნალობის მეთოდებს. მიომის დროს, ხშირია სისხლდენა, სიმძიმე მუცლის ღრუს ქვედა ნაწილში, გახშირებული შარდვა. ქალბატონებს ყველას საკუთარი მკერავი და პარიკმახერი ჰყავთ და რატომღაც არ ჰყავთ გინეკოლოგი. ექიმთან დროული ვიზიტი ყველა პრობლემა თითქმის ბოლომდე ალაგდება.
– რას ურჩევთ ქალბატონებს?
– მიაქციეთ თქვენს ჯანმრთელობას ყურადღება. ოჯახს, შვილს სჭირდება ჯანმრთელი დედა. ექიმთან ვიზიტი არ გადადოთ, რადგან ქალის ორგანიზმი ერთი მთლიანი ჰორმონალური გენერატორია და თვითნებურად მიღებულმა წამალმა შეიძლება სრულად მოშალოს თქვენი ჯანმრთელობა. ქალის ორგანიზმი ყველა ასაკში ითხოვს ყურადღებას. ეცით საკუთარ თავს პატივი, მიმართეთ ექიმს და შეინარჩუნეთ ჯანმრთელობა.
ბოლო ერთი წლის განმავლობაში ბატონ ელგუჯას მკურნალობით, მრავალწლიანი, მყარი უშვილობის დიაგნოზის მქონე ქალბატონებმა დედობა იზეიმეს.
„ერთ შემთხვევაში გვქონდა 13 წლიანი უშვილობა, წყვილმა ჩაიტარა გამოკვლევები, დავიწყეთ მკურნალობა და შედეგიც სასიხარულო გვაქვს, ქალბატონი დაფეხმძიმდა. წყვილებს მინდა ვუთხრა, იმედი არ დაკარგონ, სიმშვიდე შეინარჩუნონ და აუცილებლად აუხდებათ ოცნება“.
ელგუჯა ტარტარაშვილი ოქრომჭედელივით, საიუველურო სიზუსტით, გადამდები სიმშვიდით მუშაობს ოპერაციის დროს, – ასე ახასიათებენ მას ის კოლეგებიც, ვინც ერთხელ მაინც ყოფილა მასთან ერთად საოპერაციო მაგიდასთან.