წიგნის კითხვა მეხსიერების გაუმჯობესების საუკეთესო გზაა, ეს ტვინის იდეალური ვარჯიშია – გიორგი ღოღობერიძე

ექიმი გიორგი ღოღობერიძე ამბობს, რომ მეხსიერების გაუმჯობესების ყველაზე ეფექტური საშუალება არის წიგნი.
– არა რაღაცის ყურება, არამედ კითხვა, კითხვა და კითხვა, ოღონდ არა გაზეთის არამედ წიგნის. წიგნის კითხვა არის ყველაზე ეფექტური გზა, თუ თქვენ გინდათ რომ მეხსიერება გაზარდოთ და შეიმციროთ ალცჰაიმერის დაავადების განვითარების რისკი, უნდა იკითხოთ რაც შეიძლება ბევრი, საკმარისია თქვენ წაიკითხოთ 6 წუთის განმავლობაში თქვენთვის საინტერესო წიგნი, ეგრევე 68%-ით შემცირდება სტრესის რაოდენობა, ეგრევე გაგიუმჯობესდებათ გუნება-განწყობა,
ასევე დაგილაგდებათ ძილი და გაგეზრდებათ მეხსიერება.
წიგნის კითხვის საშუალებით თქვენ ასევე ხდებით ძალიან ემპათიურები. წიგნის ყოველდღიური კითხვით, კითხვის დროს თავის ტვინის თითქმის ყველა ნეირონი არის ჩართული, სულ გიწევთ წარმოსახვა, ფიქრი, მსჯელობა, აზროვნება, ლოგიკა, ემოციები, განცდები და ყველა ნეირონს ამუშავებთ, ეს არის ტვინის იდეალური ვარჯიში, ამ დროს თქვენი თავის ტვინი არის საოცარ ფორმაში.
დღეში 6 წუთიანი კითხვაც საკმარისია, რომ, როცა 65 წელს მიაღწევთ, თითქმის არ გქონდეთ მაგ ასაკისთვის ალცჰაიმერის დავადების განვითარების რისკი. თუ გინდათ რომ გქონდეთ საოცარი მეხსიერება, წაიკითხეთ თქვენთვის საინტერესო წიგნები, – ამბობს გიორგი ღოღობერიძე.