ევროკავშირის ელჩი საქართველოში, კარლ ჰარცელი TV პირველის ოპერატორის, ლექსო ლაშქარავას გარდაცვალებას ეხმაურება.იგი ამბობს, რომ ევროკავშირი გმობს ძალადობას. ჰარცელი უსამძიმრებს გარდაცვლილის ოჯახს და მედიის წარმომადგენლებს.
“ბატონი ლექსო ლაშქარავა სასტიკად იყო ნაცემი, რადგან ის აშუქებდა ძალადობას, რომელიც თბილისში 5 ივლისს, პრაიდის მოვლენების გარშემო ხდებოდა.
მიუხედავად იმისა, რომ ჯერ კიდევ ველოდებით მისი გარდაცვალების მიზეზების გამოძიების შედეგებს, ნება მომეცით კიდევ ერთხელ გავიმეორო, რომ ევროკავშირი მკაცრად გმობს ძალადობას და მტკიცედ და ურყევად მხარს უჭერს მედიისა და შეკრების თავისუფლებას” – წერს კარლ ჰარცელი.