მარიკა თხელიძისა და გიორგი მანველიძის ქორწილი გუშინ ბათუმში გაიმართა. მომღერალი საყვარელი ადამიანის გამო ჯერ კიდევ მარტში გადავიდა საცხოვრებლად აჭარაში, რადგან მისი რჩეული აჭარის უმაღლესი საბჭოს წევრია.
ambebi.ge-სთან ინტერვიუში ახალდაქორწინებული მარიკა თხელიძე ამბობდა, რომ პანდემია თუ მისცემდათ საშუალებას, ქორწილს აუცილებლად გადაიხდიდნენ. ქორწილის კადრებს სოციალურ ქსელში მომღერლის უახლოესი მეგობრები ავრცელებენ.
ქორწილს დაესწრო მეუღლესთან ერთად ნინი ქარსელაძე, რომელსაც შავი ელეგანტური კაბა ეცვა და მეგობრის ქორწილში სიმღერებიც შეასრულა.
ასევე, თბილისიდან შავი ზღვისპირეთში ჩავიდნენ თიკა ჯამბურია, ანსამბლი “შვიდკაცა” და მომღერალი დათუნა სირბილაძე.
მარიკა და გიორგს ერთმანეთი საერთო მეგობარმა, ნინი ქარსელაძემ გააცნო.
სიმპათია პირველივე შეხვედრაზე გაჩნდა, თუმცა დამეგობრდნენ. მოგვიანებით ბათუმში დასასვენებლად ჩასული მარიკა მალე მიხვდა, რომ მეგობრობა სიყვარულში გადაიზარდა და სულ სხვა თვალით შეხედა მომავალ ქმარს.
ხელის მოწერის ცერემონია ქორწილამდე რამდენიმე თვით ადრე გაიმართა.
მარიკა თხელიძეს პირველი ქორწინებიდან 4 წლის ნიკოლოზი ჰყავს. პირველ ქორწინებაში იყო გიორგი მანველიძეც. როგორც მის დეკლარაციაში ვკითხულობთ, პოლიტიკოსის მეუღლე ხატია კომახიძე გახლდათ. წყვილს ორი საერთო შვილი ჰყავს, 13 წლის რეზო და 8 წლის ბარბარე მანველიძეები.
ამბები