გლდანში შეშელიძის ქუჩაზე ერთმანეთს ორი ავტომობილი შეეჯახა, რის შედეგადაც ერთ-ერთ ავტომობილს ცეცხლიც გაუჩნდა.
ადგილზე მობილიზებული იყო სახანძრო-სამაშველო, პოლიციისა და სასწრაფო დახმარების ბრიგადები.
მანქანების დაწვის შედეგად 2 ადამიანი დაშავდა. ცეცხლი ამ დროისთვის ჩამქრალია.
ინციდენტის მიზეზი გადაჭარბებული სიჩქარე გახდა. მსუბუქი ავტომანქანა ბენზინგასამართ სადგურზე გაჩერებულ ავტომობილს შეეჯახა.
ორივე დაშავებული კლინიკაშია გადაყვანილი.
მომხდარზე გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით არის დაწყებული.
მთავარი, რუსთავი 2