„ამერიკა არ სთხოვს საქართველოს, დაიწყოს ომი რუსეთის წინააღმდეგ“ – კინზინგერი

კონგრესმენმა ადამ კინზინგერმა „ფორმულას” ეთერში განაცხადა:
„მე მომისმენია საქართველოში, რომ არსებობენ ძალები, რომლებიც აცხადებენ, რომ საქართველოს ჩათრევა სურს ამერიკის შეერთებულ შტატებს ომში. ეს არ არის მართალი. მე კიდევ ვიმეორებ, ამერიკა არ სთხოვს საქართველოს, დაიწყოს ომი რუსეთის წინააღმდეგ. ჩვენ გვსურს, რომ საქართველოს მთავრობამ ხაზი გაუსვას, რამდენად მნიშვნელოვანია ჩვენს შორის პარტნიორობა და ილაპარაკოს საფრთხეზე, რამდენად საშიშია რუსეთი საქართველოსთვის. რუსეთის მომავალი არ არის ნათელი, დასავლეთის მომავალი კი ნათელია.”