„ქოჩორაშვილი საქართველოს ნაკრების გულია, მიქაუტაძე კი საქართველოს ნაკრების მეორე სუპერვარსკვლავია, რომელიც ესპანეთის ჩამოგდებას და ევრო 2024-ზე კიდევ ერთი შოკის მოხდენას ისახავს მიზნად”.
„კვარა შთამბეჭდავი იყო, მაგრამ მას ძალიან დაეხმარა მიქაუტაძე. კიტეიშვილის დაბრუნებამ კი ნაკრებს ის ხარისხი შესძინა, რაც კვარაცხელიასა და მიქაუტაძეს ძალიან სჭირდებოდათ” – ასეთია გამოხმაურებები საქართველოს ნაკრების ფეხბურთელებზე, რომლებიც ახლა უცხოური მედიების განსაკუთრებული ყურადღების ობიექტები არიან.
ქართველ ფეხბურთელებზე საუბრობენ ყოფილი ფეხბურთელებიც და აღიარებენ რომ საქართველოს ნაკრები ამ ჩემპიონატის მთავარი სენსაციაა – ასე შეაფასეს ბიჭების თამაში სლოვაკეთისა და გერმანიის გუნდის ნაკრების ყოფილმა თავდამსხმელებმა კევინ კურანმა და მარტინ იაკუბკომ.