რუსთავი ცხოვრების ჩვეულ რიტმში გაგრძელების მოლოდინშია, რომელიც 16 აპრილის შემდეგ პირველად 14 მაისს გაიხსნება. რუსთავთან ერთად 4 დღეში შეზღუდვა მოიხსნება გარდაბანშიც.
“გაამარტივებს ჩვენს მდგომარეობას. ახლა გაზაფხულია, სოფლის სამეურნეო სამუშაოები აქვს ბევრს, ნაკვეთები აქვს ხალხს. უნდა იმოძრაოს ხალხმა,“ – განაცხადა ერთ-ერთმა ადგილობრივმა “კურიერთან” საუბრისას.
ქვემო ქართლის სახელმწიფო რწმუნებულის მოადგილის კახა კობერიძის განცხადებით, ქალაქში შეზღუდვების მოხსნის პარალელურად დაწესებული შეზღუდვები გათვალისწინებული იქნება.
“ბოლო დღეების მანძილზე, საბედნიეროდ, არცერთი შემთხვევა კოვიდინფექციით დაავადების არ დაფიქსირებულა. ქალაქი სრული მზადყოფნით ხვდება 14 მაისიდან საკარანტინო შეზღუდვების მოხსნას. რაც მთავარია, მკაცრად იქნება დაცული ყველა ის რეკომენდაცია და წესი, რომელიც დადგენილია საქართველოს ხელისუფლებისა და ჯანდაცვის მსოფლიო ორგანიზაციის მიერ,” – აღნიშნა ქვემო ქართლის სახელმწიფო რწმუნებულის მოადგილემ კახა კობერიძემ.
რაც შეეხება მარნეულის მუნიციპალიტეტს, რომელიც პირველი იყო, სადაც მკაცრი საკარანტინო რეჟიმი ამოქმედდა, თავისუფლად გადაადგილება შესაძლებელი იქნება 18 მაისიდან.
რუსთავი 2