ხიდისთავში მინდორში საბალახოდ გაშვებული 23 პირუტყვი დაიხოცა.
დახოცილი საქონელი სპეციალურ ორმოში დაიმარხა. ადგილობრივები ვარაუდობენ, რომ პირუტყვი მოწამლეს და მინდვრის შესწავლას მოითხოვენ.
დაზარალებული 8 მოსახლე კი კომპენსაციას მოითხოვს, რადგან მათი ძირითადი შემოსავლის წყარო რძის ნაწარმის რეალიზაცია იყო.
დახოცილი პირუტყვის ნიმუშები შესაბამისმა სამსახურმა უკვე აიღო და პასუხები სავარაუდოდ 2 დღეში გახდება ცნობილი. პირუტყვის დახოცვის ფაქტზე შსს გამოძიება 187-ე მუხლის პირველი ნაწილით დაიწყო.