მარტვილის მუნიციპალიტეტში კორონავირუსით ინფიცირებული 31 წლის ქალი გარდაიცვალა. როგორც „ინტერპრესნიუსს“ მარტვილის საზოგადოებრივი ჯანდაცვის ცენტრის დირექტორმა, როზა ჯანაშიამ განუცხადა, პაციენტს ქრონიკული დაავადება ჰქონდა.
ამასთან, მისი ინფორმაციით, პაციენტს სწრაფი ტესტით კორონავირუსი არ დაუდასტურდა, თუმცა პისიარ ტესტის პასუხი დადებითი აღმოჩნდა.
“პაციენტი ქრონიკული ავადმყოფი იყო და თავისი ექიმის დანიშნულებისამებრ მკურნალობდა. როცა კლინიკაში გადაყვანა გახდა საჭირო, გაიტესტა. სწრაფი ტესტის პასუხი უარყოფითი აღმოჩნდა, ხოლო პისიარ ტესტის დადებითი. სანამ პისიარ ტესტის პასუხი მოვიდა, პაციენტი სახლში გარდაიცვალა. ვრცელდება ინფორმაცია, რომ კლინიკაში გარდაიცვალა, რაც არასწორია. მას კორონავირუსისთვის დამახასიათებელი არცერთი სიმპტომი არ ჰქონდა“, – განაცხადა როზა ჯანაშიამ.
იპნ