შობის ღამე, სამების ეკლესიაში, ორ სტიქაროსანს კორონავირუსი დაუდასტურდა. ამის შესახებ საპატრიარქოს წმინდა იოაკიმესა და ანას სახელობის სამედიცინო ცენტრის ხელმძღვანელმა, ვეფხია ოდიშარიამ განაცხადა.
მისივე თქმით, გუშინ შობის ღამემდე სამების ტაძრის 130-მდე სასულიერო პირსა და სტიქაროსანს ტესტი ჩაუტარდათ.
„სამების მხრიდან ვინც მოგვმართა, აქედან 2 ადამიანი არის საეჭვო და ერთ-ერთს ვირუსი გადატანილი აქვს. მთავარია, რომ ისინი ღამე ეკლესიაში არ შესულან და მსახურებას არ დასწრებიან. როგორც ვიცი იზოლაციაში არიან. არავითარი სიმპტომი არ ჰქონიათ. ამ საკითხში აქტიურად არის ჩართული საქართველოს საპატრიარქო“, – აცხადებს ვეფხია ოდიშარია.