7 აპრილს ზუგდიდის მუნიციპალიტეტის სოფელ შამგონაში, მდინარე ენგურიდან სამაშველო სამსახურის თანამშრომლებმა 4 მოქალაქის ცხედარი ამოიყვანეს.
მოქალაქეები ოკუპირებული გალიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარის გადმოცურვით ცდილობდნენ.
მომხდარზე გამოძიება სისხლის სამართლის კოდექსის 143-ე და 115-ე მუხლით მიმდინარეობს.
გარდაცვლილთა შორის არის ახალგაზრდა ცოლ-ქმარი. AMBEBI.GE-ს ინფორმაციით, გარდაცვლილები არიან მაყვალა გამისონია და ჯონი გვილია. მათ არასრულწლოვანი შვილები დარჩათ.
“მაყვალა გამისონია და მისი მეუღლე ჯონი გვილია სოფელ წარცეში ცხოვრობდნენ. 3 შვილი ჰყავთ. უფროს გოგონას სკოლა დამთავრებული აქვს, დანარჩენი ორი სკოლის მოსწავლეა. დევნილების შემწეობა, 45 ლარი უნდა აეღოთ და ოჯახისთვის საჭირო წვრილმანები ეყიდათ, რადგან იქ არაფერი იშოვება… ერთ ეზოში ცხოვრობენ, ის და თამუნა ცატავა, მეორე დაღუპული გოგონა, რომელსაც 3-4 წლის შვილი დარჩა” – ამბობს AMBEBI.GE-სთან გარდაცვლილი ცოლ-ქმრის ახლობელი.