“გირჩის” ლიდერი იაგო ხვიჩია ნინუცა მაყაშვილის ინტერვიუს შემდეგ ატეხილ კამპანიას აფასებს. ხვიჩიას აზრით, მსახიობი მტკიცებულებების გარეშე ტალახს ისვრის, რაც დიდი სიბინძურე და ჩვეულებრივი ბოროტებაა.
– იაგო, რა მტკიცებულება უნდა ჰქონდეს ადამიანს 11 წლის შემდეგ?
– ის მტკიცებულება უნდა გქონდეს, რომელიც თავის დროზე გაქვს მოპოვებული. თუ არ გაქვს, მაშინ მე შემიძლია თქვენზე ვთქვა რაღაც, ან დაგაბრალოთ და სიამაყით განვაცხადო, რომ მტკიცებულება არ გამაჩნია, მაგრამ საზოგადოება რაღაცნაირად იყოს ვალდებული, რომ მხარი დაგიჭიროთ.
საერთოდ არ ვიცნობ ბესო ზანგურს, რაც ვიცი, მასზე კარგი არაფერი გამიგია, მაგრამ ადამიანზე ასეთი რაღაცის დაბრალება, ის, რომ 11 წლის წინ მან რაღაცა ქნა, რაზეც მას არ შეუძლია ნომინალურადაც კი თავის მართლება, სისულელეა.
პირიქით რომ ეთქვა ბესო ზანგურს, ჩემი ცოლი აქეთ მცემდაო, ის უნდა დაგვეჯერებინა? მე მტკიცებულებების გარეშე არაფრის არ მჯერა, განა იმიტომ, რომ არ შეიძლება ეს ფაქტი მომხდარიყო, ან ბესო ზანგური მოძალადე არ იყო.
– ჯერ იყო, პედოფილიის მხარდამჭერადგამოგაცხადეს, ახლა კი, არ არის გამორიცხული, ძალადობის მომხრედაც გამოგაცხადონ.
– კი, ლიბერალურმა მედიამ ერთხელ უკვე გამომაცხადა პედოფილიის მხარდამჭერად, აქედან გამომდინარე ვიცი, რომ არ შეიძლება ავყვე ამ სულელი ხალხის განწყობებს. ნინუცა მაყაშვილთან საქმე არ მაქვს, პრეტენზია მაქვს Me Too კამპანიის ავტორებთან. ადამიანი ამბობს, არანაირი მტკიცებულება არ მაქვსო და მაინც აგრძელებენ ამ სიბინძურეს.
ამბები