ადიგენში ყირიმ-კონგოს ცხელება დაფიქსირდა. ინფიცირებულია 13 წლის გოგონა, რომელიც თბილისის ინფექციურ საავადმყოფოში 2 დღის წინ მოათავსეს.
თავდაპირველად მოზარდი ახალციხის რეფერალურ ჰოსპიტალში შეიყვანეს, მას მაღალი ტემპერატურა აღენიშნებოდა.
“სამი დღის წინ შემოიყვანეს ტკიპას ნაკბენით, გავწერეთ თბილისის კლინიკაში”, – უთხრეს “სამხრეთის კარიბჭეს” ახალციხის საავადმყოფოში.
“22 მაისს შემოიყვანეს ცხელებით, ფაღარათით და ყირიმ-კონგოს დამახასიათებელი ყველა სიმპტომით. პაციენტი რეანიმაციულ განყოფილებაში მოვათავსეთ, ჩაუტარდა თერაპიული მკურნალობა, დღეს პალატაში გადმოვიყვანეთ, ტემპერატურამ დაიწია, უტარდება შესაბამისი მკურნალობა. ჩვენთან დარჩება სრულ გამოჯანმრთელებამდე. საყურადღებო პაციენტია, რადგან ყირიმ-კონგო არ არის მარტივი დაავადება“, – უთხრეს პრაიმ ტაიმს კლინიკაში.