გლდანის რაიონში, 20 აგვისტოს 10:00 საათიდან საღამოს 17:00 საათამდე გაზმომარაგება 4.000-მდე აბონენტს დროებით შეუწყდება.
როგორც „ინტერპრესნიუსს“ „თბილისი ენერჯიდან“ აცნობეს, გლდანის რაიონში, ერთ-ერთი სკვერის რეაბილიტაციის ფარგლებში აუცილებელია „თბილისი ენერჯის“ კუთვნილი გაზსადენის რეკონსტრუქცია.
„სამუშაოების მიმდინარეობისას ხვალ, 20 აგვისტოს 10:00 საათიდან საღამოს 17:00 საათამდე გაზმომარაგება დროებით შეუწყდება 4000-მდე აბონენტს. კერძოდ, გლდანის VII მ/რ-ში მდებარე საცხოვრებელი კორპუსების მოსახლეობას, მიმდებარედ – ხიზანიშვილის ქუჩაზე მცხოვრებ კერძო სექტორის მოსახლეობის ნაწილს და მცირე კომერციულ ობიექტებს. გაზმომარაგება სრულად აღდგება 22:00 საათამდე „თბილისი ენერჯი“ ბოდიშს გიხდით შექმნილი დისკომფორტის გამო. გთხოვთ ყოველთვის დაიცვათ გაზის მოხმარების უსაფრთხოების ზომები“, – ნათქვამია ინფრომაციაში.