ბათუმში, კორპუსის ჩამონგრევის დროს გადარჩენილი მამაკაცი კლინიკა “მედცენტრიდან” უკვე გაწერეს. ზვიად თავდგირიძე ერთადერთია, რომელიც 8 ოქტომბერს ბათუმის ტრაგედიას ცოცხალი გადაურჩა.
37 წლის მამაკაცი ნანგრევებში თითქმის 9 საათის განმავლობაში იმყოფებოდა, ვიდრე მაშველებმა რამდენიმე საათიანი ძებნის და მუშაობის შემდეგ მისი გამოყვანა შეძლეს.
შეგახსენებთ, ბათუმში, 26 მაისის ქუჩაზე 7 სართულიანი კორპუსის ერთი სადარბაზო ჩამოინგრა და 9 ადამიანის სიცოცხლე იმსხვერპლა, მსხვერპლთა შორის 3 ბავშვია.