ევროპული საბჭოს პრეზიდენტი დაოჯახდა. “პოლიტიკოს” ინფორმაციით, შარლ და ამელი მიშელების ურთიერთობის ოფიციალური სტატუსი მას შემდეგ დადასტურდა, რაც ამელი დერბაუდერენგენ-მიშელმა ევროკავშირში შემავალი ქვეყნების ლიდერების მეუღლეებს “პარტნიორების ღონისძიების” – ხელოვნების ნიმუშების გამოფენის მოსაწვევები გაუგზავნა.
ის “პარტნიორების ღონისძიებაზე” მონაწილეობას 21 ოქტომბერს მიიღებს.
წყვილი ერთად 12 წელია ცხოვრობს, მათ 2 შვილი ჟანი და ლუსი ჰყავთ. მიშელი და ამელი დაქორწინებას გასულ წელს გეგმავდნენ, მათ წვეულების გამართვა სურდათ საფრანგეთში, თუმცა კორონავირუსის გამო დაწესებული შეზღუდვების გამო, იძულებულები გახდნენ, გადაედოთ.
მიშელს, რომელისაც მანამდე ბელგიის პრემიერ-მინისტრის პოსტიც ეკავა, წინა ურთიერთობიდან ვაჟიშვილი ჰყავს.
ამელი დერბაუდერენგენ-მიშელი ამჟამად ბელგიის საგარეო საქმეთა სამინისტროში მუშაობს.