2022 წლის 1 იანვრიდან საზოგადოებრივ ტრანსპორტში აბონემენტების სისტემა ამოქმედდება.
თბილისის მერიის ტრანსპორტისა და ურბანული განვითარების სააგენტოს ხელმძღვანელმა, ვიქტორ წილოსანმა განაცხადა, რომ ამ ეტაპისთვის საზოგადოებრივი ტრანსპორტის ტარიფის ზრდა არ იგეგმება.
“ერთჯერადი შეძენით შესაძლებლობა გექნებათ 1-თვიანი, 6-თვიანი და 1-წლიანი აბონემენტით ისარგებლოთ, რაც საშუალებას მოგცემთ ამ პერიოდში საზოგადოებრივი ტრანსპორტით უფასოდ გადაადგილდეთ”, – განაცხადა ვიქტორ წილოსანმა.
მისი თქმით, ერთჯერადი ტარიფები კვლავ ძალაში დარჩება და აბონემენტი იმ პირებისათვის არის განკუთვნილი, ვინც საზოგადოებრივი ტრანსპორტით ხშირად სარგებლობს.