ქუთაისში, კლინიკა “ბომონდში” კორონავირუსით ნინო ქუთელიას გარდაცვალების შესახებ ახალი დეტალები გახდა ცნობილი.
ქალი კორონავირუსის გართულებული ფორმით ზუგდიდან ქუთაისში გადაიყვანეს, პაციენტი კლინიკა “ბომონდის” რეანიმაციულ განყოფილებაში 9 დღის განმავლობაში მკურნალობდა, თუმცა მისი გადარჩენა ვერ მოხერხდა.
როგორც კლინიკაში აცხადებენ, სამედიცინო დაწესებულებაში შეყვანის მომენტისთვის მისი მდგომარეობა მძიმე იყო. პაციენტს ფილტვის ქსოვილის 72% დაზიანებული ჰქონდა და მართვით სუნთქვაზე იმყოფებოდა.
ქალს საკეისრო კვეთა რამდენიმე დღის წინ ჩაუტარდა. ოჯახის ახლობლების ინფორმაციით, ბავშვის ჯანმრთელობის მდგომარეობა დამაკმაყოფილებელია.
სამედიცინო დაწესებულებაში ოფიციალური კომენტარი ჯერჯერობით არ კეთდება.
ინფოიმერეთი