მერია თბილისში პარკირების სააბონიმენტო სისტემას ამატებს.
დადგენილება უკვე მომზადებულია და მას საკრებულო მომდევნო კვირას განიხილავს.
დადგენილების მიხედვით, ზონალურ პარკირებაზეც, საზოგადოებრივი ტრანსპორტის მსგავსად, აბონემენტები შეიქმნება და გადასახადი ამოქმედდება შემდეგი ტარიფებით:
1 დღე – 20 ლარი (გადახდის მომენტიდან 24 საათის განმავლობაში);
1 კვირა – 100 ლარი (გადახდის მომენტიდან 6 კალდენარული დღის განმავლობაში);
1 თვე – 300 ლარი;
6 თვე – 500 ლარი;
1 წელი – 800 ლარი;
პარკირების მოქმედი ტარიფები, რომლებიც, თბილისის მერის მოადგილის განცხადებით, არ იცვლება, ასეთია:
1 კვირა – 4 ლარი (გადახდის მომენტიდან მომდევნო 6 კალენდარული დღის განმავლობაში);
6 თვე – 25 ლარი (გადახდის მომენტიდან მომდევნო 182 კალენდარული დღის განმავლობაში);
1 წელი – 50 ლარი (გადახდის მომენტიდან, შემდეგი წლის შესაბამის კალენდარულ დღემდე).
შენიშვნა: ნიუსში თავდაპირველად აღნიშნული იყო, რომ მოქმედი ტარიფები ზონალური ტარიფებით იცვლება. ეს წინადადება თბილისის მერის მოადგილის განცხადების შემდეგ შეიცვალა.