დაავადებათა კონტროლის ცენტრის დირექტორი, ამირან გამყრელიძე საზოგადოებას მოუწოდებს, საახალწლოდ დიდ შეკრებებს თავი აარიდონ.
„ახალი წელი ჩვენთვის ერთ-ერთი ყველაზე დიდი დღესასწაულია. ყველას ვუსურვებ პანდემიის დასრულებას 2022 წელს, მაგრამ მაინც ყველა უნდა ვეცადოთ, რომ რაც შეიძლება მოკრძალებული გვქონდეს ეს დღესასწაული, თავი ავარიდოთ ძალიან დიდი შეკრებებს, ყველგან ვიყოთ პირბადით – იქნება დახურული თუ გარე სივრცე, ყველა შეკრება იქნება თუ ბავშვებისთვის კონცერტი, ადამიანები იყვნენ აცრილი, დაუშვან მხოლოდ მწვანე პასპორტებით და დავიცვათ რეგულაციები”, – ამბობს ამირან გამყრელიძე.
ცნობისთვის, საქართველოში ბოლო 24 საათში კორონავირუსით კიდევ 64 ადამიანი გარდაიცვალა, გამოვლინდა ვირუსის 3 542 ახალი შემთხვევა.