ისანში, მეორადი საბურავებისა და ავტონაწილების ბაზრობაზე, ერთ-ერთ მაღაზიაში გაჩენილი ხანძრის ლოკალიზებას 10-ზე მეტი სახანძრო ეკიპაჟი ცდილობს. ცეცხლი რამდენიმე წუთის წინ გაჩნდა. ადგილზე ძლიერი ცეცხლი და დაკვამლიანებაა. დაშავებული სავარაუდოდ არავინაა. ხანძრის გამომწვევი მიზეზი უცნობია. მთავარი
ჭავჭავაძის გამზირზე 70 წლის კაცს ავტობუსი დაეჯახა. როგორც „პრაიმტაიმს“ ხეჩინაშვილის კლინიკაში განუცხადეს, პაციენტის მდგომარეობა მძიმეა და რეანიმაციულ განყოფილებაშია. მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ერთი ადამიანი გარდაიცვალა ავარიის შედეგად თბილისში. ერთმანეთს მოტოციკლეტი და ველოსიპედი შეეჯახა. როგორც თვითმხილველები აცხადებენ, ველოსიპედით მოძრავმა ახალგაზრდამ გზა ჩაუჭრა ბაიკერს, რომელმაც საჭე ვეღარ დაიმორჩილა, ჯერ ველოსიპედს შეეჯახა, შემდეგ კი ხეს. ბაიკერი ადგილზე გარდაიცვალა. “ჩემი ქალაქი მკლავს”
უბედურ შემთხვევას ზუგდიდის მუნიციპალიტეტ სოფელ გრიგოლიშში, 26 წლის დიმიტრი ქვარცხავას სიცოცხლე ემსხვერპლა. “დილას გამოუარა ახლობელმა, რომელსაც მისი ნებით,(დ.ქვარცხავას სურვილით), სოფელში სახლის დაშლაში მიეხმარებოდა. სახლის დემონტაჟის დროს მთლიანად ჩამოიშალა კედელი და მას ბეტონის ფილა დაეცა. იგი ადგილზე დაიღუპა. უკარგესი ბიჭია, ჰყავს მეუღლე და 5 წლის შვილი”,-გვითხრა მეზობელმა. ცხედარი ექსპერტიზის ბიუროში უკვე გადაასვენეს, რის შემდგომ ზუგდიდში საცხოვრებელ […]
ზესტაფონთან ავარიას ორი პირი ემსხვერპლა. არსებული ინფორმაციით, გუშინ ევაკუატორი ტრალიერს შეეჯახა. გარდაცვლილები ხობის მუნიციპალიტეტის სოფელ ჭალადიდის მცხოვრებლები არიან. “საშინელი ტრაგედია დატრიალდა, დაიღუპნენ ვიტალი დარჯანია და ვახტანგ რუხაძე. ერთი შიგ ჩაიწვა, მეორე ევაკუატორიდან გადმოვარდილა, თუმცა, სამწუხაროდ, ისიც ადგილზე დაიღუპა”,- ამბობს მერის წარმომადგენელი ჭალადიდში ზვიად გვარამია. ორივე გარდაცვლილის ცხედარი საცხოვრებელ სახლებში გადაასვენეს. პრაიმ ტაიმი
ხაშურთან ავტოსაგზაო შემთხვევა მოხდა. არსებული ინფორმაციით, მსუბუქი ავტომობილი მოძრაობის დროს გადატრიალდა. შემთხვევის შედეგად, ავტომობილში მყოფი 2 პირი დაშავდა, თუმცა მძიმე დაზიანება არცერთს აღენიშნება.
ზუგდიდის მუნიციპალიტეტის სოფელ ალერტკარში უბედურ შემთხვევას ახალგაზრდა მამაკაცის სიცოცხლე ემსხვერპლა. არსებული ინფორმაციით, მას სახლის დემონტაჟის დროს ბეტონის ფილა დაეცა. ცხედარს ექსპერტიზა, უკვე ჩაუტარდა.
მცხეთასთან მომხდარ ავარიას ერთი ადამიანის სიცოცხლე ემსხვერპლა, არიან დაშავებულები. არსებული ინფორმაციით, მიკროავტობუსი, რომელშიც რამდენიმე მგზავრი იმყოფებოდა, ჯებირს შეეჯახა, რის შემდეგაც ცეცხლი გაუჩნდა. შემთხვევის შედეგად ერთი ადამიანი ადგილზე დაიღუპა, დაშავებულები კი, სასწრაფო-სამედიცინო დახმარების ავტომობილით კლინიკაში გადაჰყავთ. როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სსკ-ის 276-ე მუხლის მე-6 ნაწილით მიმდინარეობს, რაც ტარნსპორტის მოძრაობის უსაფრთხოების ან ექსპლუატაციის წესის […]
ავტოსაგზაო შემთხვევა რუსთავში. “ინფო რუსთავი”-ს ინფორმაციით ერთმანეთს “ბეემვეს”, “მერსედესისა” და “ლექსუსის” მარკის ავტომობილები დაეჯახნენ. ადგილზე მობილიზებული იყო საპატრულო პოლიციის რამდენიმე ეკიპაჟი. ავარიის შედეგად არავინ დაშავებულა. თვითმხილველების ინფორმაციით ავარიის გამომწვევი მიზეზი გზაზე არსებული ორმოა. მძღოლმა საჭე ორმოს ააცილა რის შემდეგაც ავტოსაგზაო შემთხვევა მოხდა.
ზესტაფონის მუნიციპალიტეტში ავტოსაგზაო შემთხვევას 26 და 42 წლის მამაკაცები ემსხვერპლნენ. გავრცელებული ინფორმაციით, ერთმანეთს ტრაილერი და ევაკუატორი შეეჯახა, რის შედეგადაც ერთი ადამიანი შემთხვევის ადგილზე გარდაიცვალა, ხოლო მეორე სამედიცინო დაწესებულებაში გადაიყვანეს, თუმცა მისი გადარჩენა ვეღარ შეძლეს. „პრაიმტაიმი“ დეტალების გარკვევას შინაგან საქმეთა სამინისტროში ცდილობს.