ავარია მოხდა რუსთავის ავტობანზე. “ინფო რუსთავი”-ს ინფორმაციით, რუსთავი-თბილისის ჩქაროსნულ მაგისტრალზე მსუბუქი და სატვირთო ავტომობილები ერთმანეთს შეეჯახნენ. ავარიის შედეგად არავინ დაშავებულა. ადგილზე მობილიზებული იყო საპატრულო პოლიციის ეკიპაჟი. ინფორუსთავი
დღეს, 15 მარტს, საღამოს, ავტოავარია მოხდა ქობულეთის შემოვლით გზაზე. „ბათუმელების“ ინფორმაციით, ერთ-ერთ მანქანაში იმყოფებოდნენ აჭარის განათლების მინისტრი მაია ხაჯიშვილი და სამინისტროს პრესსამსახურის უფროსი თეა ვადაჭკორია. ავარიის შედეგად თეა ვადაჭკორია დაიღუპა. იგი წლების განმავლობაში მუშაობდა აჭარის განათლების პრესსამსახურში. ავარიის შედეგად 4 ადამიანი დაშავდა, მათ შორის აჭარის განათლების მინისტრი. დაშავებულები კლინიკაში გადაიყვანეს. „ბათუმელების“ ინფორმაციით, დაწყებულია გამოძიება. ბათუმელები
14 მარტს ხანძარი მოხდა თბილისში – ჯორჯაძის ქუჩაზე, გუდიაშვილის სახელობის სახლ-მუზეუმის მიმდებარე ეზოში საცხოვრებელი სახლის ნაწილი დაიწვა. ცეცხლის გაჩენის სავარაუდო მიზეზი მოკლე ჩართვა გახდა. ადგილზე მობილიზებული იყო სახანძრო ბრიგადა. შენობიდან ხანდაზმული კაცი მეზობლებმა უვნებლად გამოიყვანეს. მალევე ჩააქრეს ცეცხლიც. ინციდენტის შედეგად არავინ დაშავებულა. პრაიმ ტაიმი
გორი-იგოეთის მონაკვეთზე, სოფელ შავშვებთან მომხდარი ავტოსაგზაო შემთხვევის შედეგად 4 ადამიანი გარდაიცვალა, ერთი კი მძიმედ დაშავდა. გარდაცვლილთაგან ერთი 8 წლის ბავშვია. არსებული ინფორმაციით, გარდაცვლილები ერთი ოჯახის წევრები არიან. რაც შეეხება დაშავებულს, 9 წლის მოზარდმა ავარიის შედეგად მძიმე ხარისხის დაზიანებები მიიღო. ის სასწრაფო სამედიცინო დახმარების მიერ გორში, კლინიკა „გორმედშია“ გადაყვანილი, სადაც გადაუდებელი ქირურგიული ოპერაცია უტარდება. ავტოსაგზაო შემთხვევისას […]
რიკოთზე, ავტომობილების გადამზიდი პოლიციის მანქანას შეეჯახა. არსებული ინფორმაციით, ავარიის შედეგად 3 ადამიანი დაიღუპა. შემთხვევა რამდენიმე საათის წინ მოხდა. გენერალური პროკურატურის ინფორმაციით, სამართალდამცავების ავტომანქანისა და ფორდ ტრანზიტის მარკის ევაკუატორის შეჯახების შედეგად, საპატრულო პოლიციის დეპარტამენტის სამი პატრულ-ინსპექტორი გარდაიცვალა, ხოლო ერთი პატრულ-ინსპექტორი და ევაკუატორის მძღოლი მიღებული დაზიანებებით საავადმყოფოში გადაიყვანეს. „საქართველოს პროკურატურამ თბილისი-სენაკი-ლესელიძის საავტომობილო მაგისტრალის 153-ე კილომეტრზე მომხდარი ავტოსაგზაო […]
ლაგოდეხის მუნიციპალიტეტში ავარიას ერთი ადამიანი ემსხვერპლა. შემთხვევა რამდენიმე საათის წინ ლაგოდეხი-წნორის დამაკავშირებელ გზაზე მოხდა. თვითმხილველების თქმით, ბმვ-ს მარკის ავტომობილი მოცურდა და ხეს შეეჯახა, შედეგად სხეულის მძიმე დაზიანებები მიიღო მძღოლმა და ადგილზე გარდაიცვალა. მომხდარზე გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს. იპნ
თბილისში, თევდორე მღვდლის ქუჩაზე მდებარე კორპუსში ხანძარი იყო. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ხანძარი ლიკვიდირებულია და შემთხვევის შედეგად არავინ დაშავებულა. გავრცელებული ინფორმაციით, შემთხვევის ადგილიდან მეხანძრე-მაშველებმა ხანდაზმული ქალი უვნებლად გამოიყვანეს.
ბათუმის ახალი ბულვარის ტერიტორიაზე, გზის ნაწილის ჩანგრევის გამო ტრაქტორი გადაბრუნდა. შემთხვევის შედეგად არავინ დაშავებულა. შპს “ბათუმის წყალში” “ინტერპრესნიუსს” განუცხდეს, რომ მძიმე ტექნიკა ზღვაში გამსვლელი არხების გაწმენდით სამუშაოებს ახორციელებდა. “ზღვაში გამსვლელი არხების გაწმენდის დროს, რომელსაც „ბათუმის წყლის“ სპეციალური სამსახური უხვი ნალექის დროს მუდმივ რეჟიმში ახორციელებს, მძიმე ტექნიკა მოცურდა, რის შედეგადაც ტრაქტორი გადაბრუნდა, თუმცა არავინ დაშვებულა. მიმდინარეობს […]
რუსთავში მსუბუქი ავტომობილი ქვეითს დაეჯახა. “ინფო რუსთავი”-ს ინფორმაციით ავტოსაგზაო შემთხვევა მე-17-მკრ-ში, #40 საბავშვო ბაგა-ბაღთან მოხდა. ავტომობილი, ფეხით მოსიარულე ქალს, ბაღის ერთ-ერთი აღსაზრდელის მშობელს დაეჯახა. დაშავებული, სასწრაფო სამედიცინო დახმარების მიერ კლინიკაში იქნა გადაყვანილი, მისი ჯანმრთელობის მდგომარეობა დამაკმაყოფილებელია. ინფორუსთავი
უბედური შემთხვევა ზესტაფონში – კომისარიატის ყოფილი შენობის დემონტაჟის დროს ერთი ახალგაზრდა დაიღუპა და ორი დაშავდა. მომხდართან დაკავშირებით მიმდინარეობს გამოძიება.