სანზონაში, საცხოვრებელ კორპუსში ხანძარი გაჩნდა. ადგილზე მისულ მეხანძრე-მაშველებს მარტო მყოფი მამაკაცის ბინაში ჩართული გაზქურა დახვდათ. მეზობლების თქმით, სადილის გასაცხელებლად გაზის ანთების შემდეგ მამაკაცმა დაიძინა. შედეგად, სადარბაზოში კვამლი და შესაბამისი სუნი გავრცელდა. მეხანძრე-მაშველები შენობაში აივნიდან შევიდნენ. უსაფრთხოების ზომებიდან გამომდინარე, კორპუსში გათიშული იყო ელექტროენერგიაც. ამ დროისთვის ინციდენტი ამოწურულია. მეხანძრე მაშველებმა ტერიტორია დატოვეს. რეპორტი
საქართველოს მასშტაბით, ახალი წლის დღეებში კვებითი ინტოქსიკაციის 41 შემთხვევა დაფიქსირდა.როგორც „ინტერპრესნიუსს“ საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, თბილისში 12 შემთხვევა დაფიქსირდა და ჰოსპიტალიზებულია 3 პაციენტი. მათი განმარტებით, რეგიონებში კვებითი ინტოქსიკაციის 29 შემთხვევა დაფიქსირდა და ჰოსპიტალიზებულია 12 ადამიანი. რაც შეეხება ალკოჰოლით ინტოქსიკაციის ფაქტს, საგანგებო სიტუაციების კოორდინაციისა და გადაუდებელი დახმარების ცენტრში აღნიშნავენ, რომ ასეთი 231 […]
რა ზიანი მოიტანა პიროტექნიკის გამოყენებამ ახალი წლის ღამეს? ინფორმაციასა და ფოტომასალას სხვადასხვა ინციდენტების შესახებ, ფეისბუქ გვერდი “ჩემი ქალაქი მკლავს ავრცელებს” როგორც ირკვევა, მუხიანში დაიწვა სახლი. “ინფო რუსთავზე” დაყრდნობით ვიგებთ, რომ 10-ზე მეტი ადამიანი დაშავდა, მათ შორის არიან არასრულწლოვნებიც. კლინიკა “რუსთავის” ექიმების ინფორმაციით რამდენიმე პაციენტმა თითი დაკარგა. გორში პიროტექნიკის შედეგად სახლი დაიწვა. ახალი წლის ღამეს ბახტრიონის […]
გორში, კომბინატის დასახლებაში სახანძრო და სასწრაფო ბრიგადები იყვნენ მობილიზებულები, მიზეზი ორ საცხოვრებელ ბინაში გაჩენილი ხანძარი იყო. ირკვევა, რომ ცეცხლი შუახნის კაცმა გააჩინა. შემთხვევა გუშინ, გვიან ღამით, მოხდა. ხანძრის შედეგად მამაკაცი თავადვე დაშავდა. ის კლინიკაშია გადაყვანილი. არსებული ინფორმაციით, შუახნის კაცი ალკოჰოლური თრობის ქვეშ იყო. ტვ პირველი
ოზურგეთის მუნიციპალიტეტში, სოფლების შრომისა და ნატანების საზღვარზე მომხდარ ავტოსაგზაო შემთხვევას ორი ადამიანის სიცოცხლე ემსხვერპლა. არსებული ინფორმაციით, ავტომობილის მძღოლმა საჭე ვერ დაიმორჩილა და ხეს შეეჯახა, რის შემდეგაც მანქანა აფეთქდა და იქ მყოფი ორივე მამაკაცი დაიღუპა. მოსახლეობის ინფორმაციით, ავტომობილი გაზზე მუშაობდა. რუსთავი 2
ქობულეთში, სოფელ ციხისძირის გზაზე, საპატრულო ავტომანქანას მიკროავტობუსი შეეჯახა. თვითმხილველის თქმით, შემთხვევის ადგილიდან პატრულის ორი თანამშრომელი სასწრაფო სამედიცინო ჯგუფმა წაიყვანა. სასწრაფო-სამედიცინო სამსახურის ინფორმაციით, პატრულის თანამშრომლებს ქვემო კიდურების მოტეხილობა დაუფიქსირდათ, ისინი „ევექსის“ ქობულეთის კლინიკაში გადაიყვანეს. გამოძიება დაიწყო სისხლის სამართლის კოდექსის 276-ე მუხლის შესაბამისად. ბათუმელები
წყალტუბოს მუნიციპალიტეტის სოფელ მაღლაკში მგელმა სამი ადამიანი დაკბინა. შემთხვევა გუშინ მოხდა. შემთხვევა ფერმის ტერიტორიაზე მოხდა. დაშავებულები ქუთაისის რეფერალურ ჰოსპიტალში არიან გადაყვანილი. როგორც კლინიკის ექიმი ზურაბ წულაია აცხადებს, პაციენტებს დაზიანებები სახის არესა და ხელზე აქვთ. მათ ჩაუტარდათ ქირურგიული დამუშავება. გაუკეთდათ ანტიტეტანური და ანტირაბიული იმუნიზაცია, მათი მდგომარეობა დამაკმაყოფილებელია. დაშავებულთაგან ერთი ქალი და ორი მამაკაცია.
ქუთაისში, გაზგასამართი სადგურის მიმდებარედ ორი მსუბუქი ავტომობილი ერთმანეთს შეეჯახა. შეჯახების შედეგად ერთ-ერთი ავტომობილი დაიწვა. როგორც თვითმხილველები აცხადებენ, ერთი ავტომობილი მაღალი სიჩქარით მოძრაობდა. შემთხვევის შედეგად არავინ დაშავებულა. ადგილზე საპატრულო პოლიციის და სამაშველო სამსახურის ჯგუფები არიან მობილიზებული. იპნ
გუშინ, 29 დეკემბერს ქობულეთის შემოვლით გზაზე ავარიის შედეგად 2 ადამიანი დაიღუპა. პირველადი ინფორმაციით, დაღუპულებს შორის ერთ-ერთი ბავშვია. ავარიის შედეგად დაშავდა 6 ადამიანი, მათ შორის 4 მოზარდია. ავტოსაგზაო შემთხვევის შედეგად სატვირთო ავტომანქანა შეეჯახა მსუბუქ ავტომანქანას. სასწრაფო – სამედიცინო სამსახურის ცნობით, დაშავებული მოზარდები ბათუმის იაშვილის კლინიკაში გადაიყვანეს, ხოლო 2 ზრდასრული – ბათუმის რეფერალურ ჰოსპიტალში. ექიმებს ადგილზე ორი […]
პოლონეთში რამდენიმე დღის წინ მომხდარ უმძიმეს ავტოსაგზაო შემთხვევას ქართველი ახალგაზრდა მამაკაცი ემსხვერპლა. „გურია ნიუსის” წყაროს ინფორმაციით, ის 26 წლის იყო და ხობის მუნიციპალიტეტის სოფელ ქარიატის მკვიდრია. მამაკაცი სამშობლოში უკვე ჩამოასვენეს და სამშაბათს დაკრძალავენ.