ბრიტანეთის პრინც ჰარის და სასექსის ჰერცოგინია მეგან მარკლს ვაჟი შეეძინათ, ეს მათი პირველი შვილია. ჰარისა და მეგანის ვაჟი, დედოფალ ელისაბედ II-ის მერვე შვილთაშვილი ბრიტანეთის სამეფო ტახტის მემკვიდრეთა სიაში რიგით მეშვიდეა, მის წინ არიან ბაბუა – პრინცი ჩარლზი, ბიძა – კემბრიჯის ჰერცოგი, პრინცი უილიამი, უილიამის შვილები – ჯორჯი, შარლოტა და ლუისი და პატარა პრინცის მამა – ჰარი.
1917 წელს ჯორჯ V-ის მიერ მიღებული კანონის თანახმად, სამეფო ოჯახში დაბადებული ბავშვები პრინცის და პრინცესის ტიტულს მაშინვე არ იღებენ, თუ ისინი ტახტის მემკვიდრეთა სიაში საწყის პოზიციებს არ იკავებენ. დედოფალ ელისაბედ II-ს ამ კანონში ცვლილებების შეტანა მოუწია უილიამის უმცროს შვილებთან შარლლოტასა და ლუისთან დაკავშირებით. პრინცმა ჯორჯმა ეს ტიტული ავტომატურად მიიღო, რადგან ის ტახტის მემკვიდრეთა სიაში მესამე ადგილს იკავებს.
ნიუპოსტი