რამდენიმე დღის წინ გურიაში ტრაგედია დატრიალდა. 24 წლის ახალგაზრდა, რომელიც მეგობრებთან ერთად გომისმთაზე წავიდა, გაყინული იპოვეს. მისი სამი მეგობარი სიკვდილს სასწაულებრივად გადაურჩა.
მაშველებმა მათ ათსაათიანი ძებნის შემდეგ მიაგნეს. ახალგაზრდებს ჰიპოთერმია აღენიშნებოდათ, მათ ჯანმრთელობას საფრთხე არ ექმუქრება.
რაც შეეხება გარდაცვლილ ბიჭს, ის 24 წლის ვაჟა ანდღულაძეა, სოფელ ბოხვაურის მცხოვრები. ბიჭის დედა ემიგრანტია და საქართველოში დღეს დილით დაბრუნდა.
მომხდარი ტრაგედიის შესახებ აქ გაიგო.
“ემიგრანტის იმედის” ხელმძღვანელმა შოთო სიხარულიძემ ფეისბუქში დაწერა:
“გლოვობს გურია და ბოხვაური… ღმერთო აცხოვნე ეს ბიჭი და დედამისს მიეცი ძალა, რომ იცოცხლოს…
დიახ, გომის მთაზე გარდაცვლილი ახალგაზრდა ემიგრანტის შვილია, რომელიც დღეს დილით ჩამოფრინდა იტალიიდან!!! დედამ იცოდა, რომ მისი შვილი ცოცხალი იყო….. ძალიან რთული იყო ამ ყველაფრის დამალვა. სიტყვებით ვერ აგიწერთ, როგორი სიმწარე და საშინელებაა ეს… ჩაეხუტა გაყინულ შვილს ემიგრანტი დედა უკვე…
“შოთო სიხარულიძე ქართველი ემიგრანტები” ღრმა მწუხარებას გამოთქვამს თანაუგრძნობს სამძიმარს უცხადებს ქართველ ემიგრანტ დედას შორენა ხიმშიაშვილს ოჯახსა და ახლობლებს. ღმერთმა ნათელში ამყოფოს მისი ლამაზი სული”.
ამბები