საფრანგეთში მთელი ქვეყნის მასშტაბით კარანტინი კიდევ ერთი თვით – 11 მაისამდე გახანგრძლივდა. ამის შესახებ ქვეყნის პრეზიდენტმა ემანუელ მაკრონმა სატელევიზიო მიმართვისას განაცხადა. თავდაპირველად საფრანგეთში კარანტინი კორონავირუსის გამო 17 მარტს დაწესდა. საფრანგეთის პრეზიდენტმა მიმართვისას მადლობა გადაუხადა მოსახლეობას ქვეყნის მასშტაბით ვირუსთან ბრძოლაში გაწეული ძალისხმევისთვის და აღნიშნა, რომ კიდევ ბევრი რამ უნდა გაკეთდეს. „ჩვენ უნდა გავაგრძელოთ ჩვენი ძალისხმევა და წესების […]
ამ დროისთვის აშშ-ში კოვიდ 19-ით ინფიცირებულთა რაოდენობამ 574.138-ს მიაღწია. მათგან განკურნებულია 33.754 ადამიანი, რაც ინფიცირებულთა 5,8%-ს შეადგენს. გარდაცვლილია 22.960 ადამიანი, ანუ ინფიცირებულთა 4%. საყურადღებოა, რომ ინფიცირებულთა 34% ანუ 195.031 ადამიანი ნიუ იორკზე მოდის.
იტალიაში გასული 24 საათის განმავლობაში კოვიდ 19-ით 3.153 ადამიანი დაინფიცირდა, რითაც მათი საერთო რაოდენობა 159.516 გახდა. ეს ბოლო რამდენიმე კვირის მანძილზე 1 დღე-ღამეში დაინფიცირების ყველაზე დაბალი მაჩვენებელია. განიკურნა 1.224 ადამიანი და მათი რაოდენპბა 35.435 გახდა. გარდაიცვალა 566 ადამიანი და მათმა რაოდენობამ 20.465-ს მიაღწია. აღსანიშნავია, რომ დარჩენილი 103.616 შემთხვევის მხოლოდ 3%, ანუ 3.260 მიეკუთვნება რთულს ან […]
ესპანეთი, რომელიც კორონავირუსის პანდემიისგან ერთ-ერთი ყველაზე მეტად დაზარალებული ქვეყანაა, დღეიდან გარკვეულ შეზღუდვებს ხსნის. ქვეყნის პრემიერ-მინისტრის განმარტებით, სამსახურში გასვლას შეძლებენ მშენებლები, მწარმოებელ ქარხნებში დასაქმებულები და კიდევ რამდენიმე სერვისის თანამშრომლები. „ჩვენ გამარჯვებისგან ჯერ კიდევ შორს ვართ, შორს ვართ იმ მომენტისგან, როცა ნორმალური ცხოვრება დაბრუნდება. ყველას გვინდა ქუჩებში გასვლა, მაგრამ ჩვენი სურვილი, რომ ეს ომი მოვიგოთ, უფრო ძლიერია“, – […]
იტალიაში ბოლო 24 საათში კოვიდ 19-ით დაინფიცირებულთა რაოდენობა 4.092-ით გაიზარდა და 156.363 გახდა. განკურნებულთა რაოდენობა 1.677-ით გაიზარდა და 34.211 გახდა. გარდაცვლილთა რაოდენობა 431-ით გაიზარდა და 19.899 გახდა. ბოლო დროს ეს ერთ-ერთი ყველაზე დაბალი მაჩვენებელია.
დიდი ბრიტანეთის პრემიერ-მინისტრი ბორის ჯონსონი კლინიკას ტოვებს. კორონავირუსით ინფიცირებული პრემიერი თავს კარგად გრძობს, თუმცა უფლებამოსილების განხორციელებას ჯერჯერობით არ დაუბრუნდება. შეგახსენებთ, ბორის ჯონსონს კორონავირუსი 27 მარტს დაუდგინდა. მოგვიანებით მისი ჯანმრთელობის მდგომარეობა დამძიმდა და საავადმყოფოში გადაიყვანეს. პრემიერმა ინტენსიური თერაპიის განყოფილება ორი დღის წინ დატოვა.
იტალიაში გასული 24 საათის განმავლობაში კოვიდ 19-ით ინფიცირებულთა რაოდენობა 4.694-ით გაიზარდა და 152.271 შეადგინა. განკურნებულთა რაოდენობა 2.079-ით გაიზარდა და 32.534 გახდა. გარდაცვლილთა რაოდენობა 619-ით გაიზარდა და 19.468-ს მიაღწია. გასულ 24 საათში განკურნებულთა რაოდენობა 3,3-ჯერ აღემატება გარდაცვლილთა რიცხვს.
ესპანეთში ბოლო 24 საათის განმავლობაში კოვიდ 19-ით ინფიცირებულთა რაოდენობა 4.830-ით გაიზარდა და 161.852 გახდა. განკურნებულთა რაოდენობა 3.441-ით გაიზარდა და 59.109 შეადგინა. ეს ინფიცირებულთა საერთო რაოდენობის 36,5%-ია, რაც გუშინდელ მონაცემებს 1,1%-ით აღემატება. გარდაცვლილთა რაოდენობა 510-ით გაუზარდა და 16.353 გახდა
იტალიაში, ამ დროის მონაცემებით, კოვიდ 19-ით ინფიცირებულთა რაოდენობა 147.577-ს შეადგენს. მათგან განკურნებულია 30.455 ადამიანი. ეს ინფიცირებულთა საერთო რაოდენობის 20,6%-ია. გარდაცვლილია 18.849 ადამიანი. ეს ინფიცირებულთა საერთო რაოდენობის 12,7%-ია.
ამ დროისთვის არსებული მონაცემებით, ესპანეთში კოვიდ 19-ით ინფიცირებულია 157.022 ადამიანი. მათგან განიკურნა 55.668 ადამიანი. ეს ინფიცირებულთა საერთო რაოდენობის 35,4%-ს შეადგენს. გარდაცვლილია 15.843 ადამიანი. ეს ინფიცირებულთა საერთო რაოდენობის 10,09%-ია. დარჩენილი 85.511 შემთხვევის 91%, ანუ 78.140 – მსუბუქი ან საშუალო სიმძიმისაა, 9% კი, ანუ 7.371 – რთული ან კრიტიკული.