საფრანგეთში გასული 24 საათის განმავლობაში კორონავირუსით ინფიცირებულთა რაოდენობა 1.559-ით გაიზარდა და 16.018 შეადგინა. გამოჯანმრთელებულთა რაოდენობა 613-ით გაიზარდა და 2.200 შეადგინა. გარდაცვლილთა რაოდენობა 112-ით გაიზარდა და 674 შეადგინა.
აშშ-ის რესპუბლიკელ სენატორს რენდი პოლს კორონავირუსი დაუდგინდა. ამის შესახებ ინფორმაცია სენატორის ტვიტერის გვერდზე გავრცელდა. რენდი პოლი თავს კარგად გრძობს და ის ახლა კარანტინშია. მას სიმპტომები არ ჰქონდა და ტესტის ჩატარება სიფრთხილის მიზნით, მოგზაურობისა და ღონისძიებების შემდეგ გადაწყვიტა.
გერმანიის კანცლერი ანგრლა მერკელი თვითიზოლაციაში გადავიდა. პარასკევს ანგელა მერკელი შეხვდა ექიმს, რომელმაც მას ფილტვების ანთების საწინააღმდეგო ვაქცინა აჩვენა. დღეს კი, რამდენიმე საათის წინ გამართული პრესკონფერენციის შემდეგ, ანგელა მერკელს შეატყობინეს, რომ იმ ექიმის კორონავირუსზე ტესტმა დადებითი შედეგი აჩვენა. ამის შემდეგ ანგელა მერკელმა საკუთარ სახლში თვითიზოლაციაში გადასვლა გადაწყვიტა. თვითიზოლაცია რამდენიმე დღეს გასტანს. მერკელი კორონავირუსზე ტესტსაც ჩაიტარებს.
იტალიაში ბოლო 24 საათის განმავლობაში კორონავირუსით დაინფიცირებულთა რაოდენობა 5.560-ით გაიზარდა და 59.138-ს მიაღწია. ეს ციფრი 997-ით ნაკლებია წინა 24 საათის მონაცემებზე. გამოჯანმრთელებულთა როდენობა 952-ით გაიზარდა და 7.024-ს მიაღწია. ეს ციფრი 9-ით მეტია წინა 24 საათის მონაცემებზე. გარდაცვლილთა რაოდენობა 651-ით გაიზარდა და 5.476-ს მიაღწია ეს ციფრი 142-ით ნაკლებია წინა 24 საათის მონაცემებზე.
ლეგანდარულ ესპანელ საოპერო მომღერალს, პლასიდო დომინგოს კორონავირუსი დაუდგინდა. ამის შესახებ ნათქვამია პლასიდო დომინგოს მიერ სოციალურ ქსელ ფეისბუქში გავრცელებულ განცხადებაში. “მორალურად ვალდებული ვარ, განვაცხადო, რომ კორონავირუსზე ჩატარებულმა ტესტმა დადებითი აჩვენა. მე და ჩემი ოჯახი ვიმყოფებით თითიზოლაციაში იმედი ხანი, რამდენსაც მოითხოვს სამედიცინო პერსონალი. ამჯერად კარგად ვართ. მე მქონდა ხველა და სიცხე, რის გამოც გადავწყვიტე ტესტის ჩატარება”, – წერს […]
კორონავირუსით ინფიცირების შემთხვევებისა და ვირუსით გარდაცვლილთა მკვეთრი ზრდის ფონზე, ესპანეთის ხელისუფლებამ საველე ჰისპიტლების გახსნის გადაწყვეტილება მიიღო. ცოტა ხნის წინ, ცნობილი გახდა, რომ მადრიდის საკონფერენციო ცენტრში პირველი საველე ჰოსპიტალი გაიხსნა. საავადმყოფოში განთავსდება 5,500 საწოლი, რაც მას ევროპის ტიპის ყველაზე დიდ სამედიცინო დაწესებულებად აქცევს. ჰისპიტლის დირექტორმა, ანტონიო ზაპატერომ, გაზეთ El Mundo-ს განუცხადა, რომ ამ კვირის ბოლოს 300 […]
5,3 მაგნიტუდის სიმძლავრის მიწისძვრა მოხდა ხორვატიაში. მიწისძვრა ადგილობრივი დროით დილის 6.30 წუთზე დაფიქსირდა. ეპიცენტრი დედაქალაქ ზაგრებიდან 10 კილომეტრის მოშორებით დაფიქსირდა. მიწისქვეშა ბიძგები ბოსნია-ჰერცეგოვინაში, უნგრეთში, სლოვენიასა და ავსტრიაშიც იგრძნობოდა. მსხვერპლისა და დაშავებულების შესახებ ინფორმაცია ჯერჯერობით არ გავრცელებულა. მიწისძვრის გამო დედაქლაქის ნაწილს ელექტროენერგია ამ დრომდე არ მიეწოდება. რუსთავი 2
საფრანგეთში გასული 24 საათის განმავლობაში ინფიცირებულთა რაოდენობა 1.847-ით გაიზარდა და 14.459 შეადგინა. გამოჯანმრთელებულთა რაოდენობა 292-ით გაიზარდა და 1.587 შეადგინა. გარდაცვლილთა რაოდენობა 112-ით გაიზარდა და 562 შეადგინა. ამ დროისთვის გამოჯანმრთელებულთა რაოდენობა გარდაცვლილებისას 1.025-ით აღემატება.
იტალიაში ბოლო 24 საათის განმავლობაში კორონავირუსით ინფიცირებულთა რაოდენობა 6.557-ით გაიზარდა და 53.578-ს მიაღწია. გამოჯანმრთელებულთა რაოდენობა 943-ით გაიზარდა და 6.072 გახდა. გარდაცვლილთა რაოდენობა 793-ით გაიზარდა და მათი საერთო რიცხვი 4.825 გახდა. ამ დროისთვის გამოჯანმრთელებულთა რაოდენობა გარდაცვლილთა რიცხვს 1.247-ით აღემატება.
აშშ-ის შემოსავლების სამსახურმა კორონავირუსის გამო, საგადასახადო დეკლარაციების წარდგენის ვადა 15 ივლისამდე გადაავადა. შემოსავლების სამსახურის მიერ გავრცელებული ინფორმაციით, მიხედვით, შესაბამისად გადაიწია გადასახადის გადახდის ვადა ქვეყნის ყველა გადამხდელისთვის, ყოველგვარი ჯარიმისა და დამატებითი დარიცხვების გარეშე. ამისთვის მოქალაქეებს არ სჭირდებათ გადავადების შესახებ სპეციალური მიმართვის გაკეთება. გადასახადების გადავადება 13 მარტს, დონალდ ტრამპის მიერ ხელმოწერილი საგანგებო განკარგულების მიხედვით მოხდა. ნიუპოსტი