რუსთავში, თოდრიას ქუჩაზე ავტომობილი აფეთქდა. ინფორმაციას და კადრებს „ინფო რუსთავი“ ავრცელებს. თვითმხილველის ინფორმაციით, „ფოლკსვაგენის“ მარკის ავტომობილში მძღოლი ჩაჯდა, სიგარეტს მოუკიდა, რა დროსაც მოხდა აფეთქება. მისივე თქმით, სავარაუდოდ, ავტომობილში დამონტაჟებული გაზის ბალონიდან ბუნებრივმა აირმა გაჟონა. შემთხვევის დროს დაშავდა ორი ადამიანი. ერთ-ერთია ავტომობილის მძღოლი, რომელმაც სახეზე დამწვრობა მიიღო, ხოლო მეორე გამვლელი ქალია. ქალი სასწრაფო დახმარების ეკიპაჟმა კლინიკა […]
ვარკეთილში, ხომლელის ქუჩაზე ავტომობილი ავტობუსს შეეჯახა. არსებული ინფორმაციით, მსუბუქი ავტომობილი საპირისპირო მხარეს მოძრაობდა, რა დროსაც შემთხვევა მოხდა. შემთხვევის შედეგად შეფერხდა მოძრაობა. ინციდენტის დროს არავინ დაშავებულა.
ლიკანში, საცხოვრებელ კორპუსში აფეთქების შედეგად დაშავებული 75 წლის ქალი გარდაიცვალა. ამის შესახებ ბორჯომის “ჯეო ჰოსპიტლის” კლინიკის დირექტორმა განაცხადა. დავით ბარაბაძის თქმით, ხანში შესული ქალი კლინიკაში მომხდარიდან მალევე მიიყვანეს, მას აღენიშნებოდა სხეულის დამწვრობა და მრავლობითი ტრავმები თავის არეში. სიცოცხლესთან შეუთავსებელი ტრავმების შედეგად, ქალი “ჯეო ჰოსპიტალში” გუშინ ღამით გარდაიცვალა.
ახალციხეში, სოფელ წნისთან ავტოსაგზაო შემთხვევა მოხდა. ავტომანქანა ქვეითად მოსიარულე 8 წლის ბავშვს დაეჯახა. დაშავებული სასწრაფო-სამედიცინო დახმარების ჯგუფმა ახალციხის კლინიკაში გადაიყვანა. მოზარდის სიცოცხლეს საფრთხე არ ემუქრება. მომხდარზე გამოძიება სისხლის სამართლის კოდექსის 276-ე მუხლის მეორე ნაწილით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად […]
პოლონეთში, პოზნანის მახლობლად ავტოსაგზაო შემთხვევას, სავარაუდოდ, 3 ქართველი ემსხვერპლა. პოლონური მედიის ინფორმაციით, ერთმანეთს მიკროავტობუსი და სატვირთო ავტომობილი შეეჯახა, რის შედეგადაც 3 ქართველი მამაკაცი ადგილზე გარდაიცვალა, ხოლო 5 დაშავდა. დაშავებულები ვერტმფრენით სამედიცინო დაწესებულებაში გადაიყვანეს. შემთხვევის ადგილზე მობილიზებულები იყვნენ სახანძრო-სამაშველო სამსახურის რამდენიმე ეკიპაჟი და სამართალდამცველები.
გავრცელებული ინფორმაციით, თბილისში აფეთქებისას სამი ადამიანი დაშავდა. თბილისში, ქუთათელაძისა და ლაღიძის ქუჩის კუთხეში ცოტა ხნის წინ აფეთქება მოხდა. საქართველოს შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 19-109 და 236-ე მუხლებით დაიწყო, რაც 2 ან ორ პირზე მეტის განზრახ მკვლელობის მცდელობას და საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, […]
პოლიციამ ცხელ კვალზე დააკავა კაცი, რომელმაც რძალი არასრულწლოვნების თანდასწრებით დანით დაჭრა. შინაგან საქმეთა სამინისტროს განცხადებით, გამოძიება ოჯახური ძალადობის ნიადაგზე ჩადენილი ჯანმრთელობის განზრახ მძიმე დაზიანების ფაქტზე, საქართველოს სისხლის სამართლის კოდექსის 11 პრიმა 117-ე მუხლით მიმდინარეობს. შეგახსენებთ, რომ წყალტუბოს სოფელ საყულიაში მამამთილმა რძალი დაჭრა. ქალი ქმრის საფლავზე იმყოფებოდა, რა დროსაც შემთხვევა მოხდა. დაჭრილი ქალი საავადმყოფოში გადაიყვანეს, სადაც […]
ბათუმში, ავტობუსი და მატარებელი ერთმანეთს შეეჯახნენ. შემთხვევა ცოტა ხნის წინ, მაიაკოვსკის ქუჩაზე მოხდა. თვითმხილველები TV25.GE-ის უყვებინ, რომ შემთხვევას მსხვერპლი არ მოჰყოლია.
რუსთავში პიტბულმა 4 ადამიანი დაგლიჯა. ადგილობრივი მედიის „ინფო რუსთავის“ ინფორმაციით, შემთხვევა გვიან ღამით VIII მიკრორაიონში, შარტავას გამზირზე მოხდა. დაზარალებულები ახალგაზრდები, 2 ქალი და 2 მამაკაცი. ოთხივე კლინიკაშია გადაყვანილი.. როგორც დაზარალებულები ამბობენ, პიტბული მათ თავს, ქუჩაში, სრულიად უწყინარ სიტუაციაში დაესხა. მათივე განმარტებით, პიტბულს პატრონი ალიკაპისა და საბმელის გარეშე ასეირნებდა.
ქუთაისში, ჭავჭავაძის გამზირზე კაცს დენმა დაარტყა. შემთხვევა ჰიპერმარკეტების ქსელ “გორგიას” მიმდებარე ტერიტორიასთან, ელექტროენერგიის გამანაწილებელი ჯიხურის ეზოში მოხდა. თვითმხილველების ინფორმაციით, კაცს მობილური ტელეფონი ორმოში ჩაუვარდა, მის ამოსატანად ჩასულს კი დენმა დაარტყა. ადგილზე მობილიზებული იყო სასწრაფო დახმარების ჯგუფები და პოლიცია. დაშავებული კაცი კლინიკაში გადაიყვანეს.