ავარია ჩაქვში – შემთხვევის შედეგად 8 ადამიანი დაშავდა. არსებული ინფორმაციით, ჩაქვის გვირაბთან ერთმანეთს ორი ავტომობილი შეეჯახა. დაშავებულები სამედიცინო დაწესებულებაში გადაიყვანეს. მომხდარზე გამოძიება საქართველოს სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.
19 მაისს ავტოსაგზაო შემთხვევა მოხდა იგოეთთან. მინივენის ტიპის ავტომობილი გზის სავალი ნაწილიდან გადავიდა და ამოტრიალდა. ,,ნიუპოსტის“ კორესპონდენტის ცნობით, ავარიის შედეგად დაშავებულია 4 ადამიანი, მათ შორის ორი არასრულწლოვანია. დაშავებულები სასწრაფო სამედიცინო დახმარების ბრიგადამ კასპის საავადმყოფოში გადაიყვანა. შინაგან საქმეთა სამინისტროს ინფორმაციით, ფაქტზე გამოძიება სსკ 276-ე მუხლის პირველი ნაწილით მიმდინარეობს.
ჭიათურაში კოროხნალის მაღაროში მუშა დაშავდა. შემთხვევა დღეს, გამთენიისას მოხდა. გავრცელებული ინფორმაციით, ალექსანდრე დეკანოიძეს ქვა დაეცა. დაშავებული ქუთაისის ცენტრალურ საავადმყოფოშია გადაყვანილი. ექიმების თქმით, პაციენტის ჯანმრთელობის მდგომარეობა სტაბილურად მძიმეა. “პაციენტს ქალა-ფუძის მოტეხილობა, ხერხემლის მალის მოტეხილობა და ტვინის შეშუპება აღენიშნება. ამ წუთებში მას საოპერაციოდ ამზადებენ”, – განუცხადა „ინტერპრესნიუსს“ საავადმყოფოს დირექტორმა გიორგი ხვედელიძემ.
ურეკში ავტოსაგზაო შემთხვევა მსხვერპლით დასრულდა. შემთხვევის შედეგად ახალგაზრდა მამაკაცი დაიღუპა. მცირე ზომის სატვირთო მანქანა ჯერ ქვეითად მოსიარულეს, შემდეგ კი სატვირთო მანქანას დაეჯახა. დაშავებულია 3 ადამიანი. ერთ-ერთის მდგომარეობა კრიტიკულია. ადგილზე იმყოფებოდა სასწრაფო დახმარების 3 ბრიგადა. შემთხვევის ადგილზე მობილიზებულია პოლიცია. როგორც ,,ინტერპრესნიუსს“ შსს-ში განუცხადეს, გამოძიება სსკ-ის 276-ე მუხლის პირველი ნაწილით დაიწყო, ტრანსპორტის მოძრაობის უსაფრთხოების ან ექსპლუატაციის წესების […]
18 მაისს, სოფელ ხურვალეთთან 23 წლის ახალგაზრდას მანქანა დაეჯახა და მოკლა. ავტომანქანის მძღოლი გორის შს სამმართველოს ერედვის განყოფილების უფროსი აღმოჩნდა. დაღუპული ახალგაზრდა დიცის მკვიდრი, 23 წლის ვაჟა მინდიაშვილია, რომელიც სამხედრო მოსამსახურე იყო. ის ხურვალეთის დევნილთა დასახლებაში სტუმრად მიდიოდა, როდესაც სწრაფად მიმავალი მანქანა დაეჯახა. ადგილზე სასწრაფო გამოიძახეს, თუმცა ახალგაზრდის დახმარება ვერ შეძლეს. ადგილობრივები ამბობენ, რომ გზაზე მანქანები, […]
ხურვალეთის დევნილთა ჩასახლებაში ავარიისას შუახნის ქალი დაიღუპა. “ნიუპოსტი” დეტალებს შინაგან საქმეთა სამინისტოში არკვევს.
რუსთავში 10 წლის ბიჭი საცხოვრებელი კორპუსის მეხუთე სართულის აივნიდან გადმოვარდა. მოზარდის მდგომარეობა კრიტიკულია. ის სასწრაფო დახმარების ბრიგადამ საავადმყოფოში უგონო მდგომარეობაში გადაიყვანა. დაშავებული სასწრაფო დახმარების ბრიგადამ ქალაქის ცენტრალურ საავადმყოფოში გადაიყვანა.
ავტოსაგზაო შემთხვევას თბილისში ქვეითის სიცოცხლე ემსხვერპლა. ფეიქრების ქუჩაზე მსუბუქი ავტომანქანა შუახნის მამაკაცს დაეჯახა. მამაკაცი ადგილზე გარდაიცვალა. როგორც შს სამინისტროში „რუსთავი2“-ს განუცხადეს, მომხდარზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
თბილისში, მარჯვენა სანაპიროზე, გალფის გასამართ სადგურთან, მაშველებმა მტკვრის დინების მიერ გატაცებული გოგო გადაარჩინეს. შემთხვევა გუშინ საღამოს მოხდა. საგანგებო სიტუაციების სამსახურში შესული შეტყობინებისთანავე სამაშველო ჯგუფი ადგილზე გავიდა. სამაშველო განყოფილების მაშველებმა მდინარე მტკვრიდან ამოიყვანეს 16 წლის გოგო. ადგილზე მობილიზებული იყო სასწრაფო და საპატრულო პოლიციის ბრიგადები. გოგოს სიცოცხლეს და ჯანმრთელობას საფრთხე არ ემუქრება. დიანიუსი
თბილისში, ბარათაშვილის აღმართზე, „ჰონდას“ მარკის მსუბუქი ავტომობილი გზის სავალი ნაწილიდან გადავიდა, ჯებირი გაარღვია და რიყის პარკში გადავარდა. მომხდარის შედეგად, არავინ დაშავებულა.შინაგან საქმეთა სამინისტროს ინფორმაციით, მძღოლი ადმინისტრაციული წესით დაჯარიმდება. ნიუპოსტი