ბათუმში, ბარცხანის ხიდთან მომხდარ უმძიმეს ავარიას 2 ადამიანის სიცოცხლე ემსხვერპლა. მანქანაში მსხდომი 2 პირი კი მძიმე დაზიანებებით ბათუმის რეფერალურ საავადმყოფოშია გადაყვანილი. დაშავებულთაგან ერთის მდგომარეობა სტაბილურია. მეორე დაშავებული, 17 წლის მოზარდი კი რეანიმაციაში იმყოფება მართვით სუნთქვაზე, მისი მდგომარეობა მძიმეა. მსუბუქი ავტომობილი საპირისპირო გზაზე მომავალ ტრაილერს შეეჯახა. ადგილზე ექსპერტ-კრიმინალისტები იმყოფებოდნენ, რომლებმაც საგამოძიებო მოქმედებები ჩაატარეს.
გურიაში, ოზურგეთი-ჩოხატაურის ცენტრალურ გზაზე, ავტოსაგზაო შემთხვევას 15 წლის ბიჭი ემსხვერპლა. არსებული ინფორმაციით, მოზარდი მიკროავტობუსიდან ჩამოვიდა და სახლში მიდიოდა, რა დროსაც საპირისპირო მხრიდან მოძრავი მიკროავტობუსი დაეჯახა. ადგილზე მისულ სასწრაფო დახმარების ჯგუფს მოზარდი უკვე გარდაცვლილი დახვდა. შემთხვევის ადგილზე მობილიზებული იყო პოლიცია.
ქუთაისში ავტოსაგზაო შემთხვევის შედეგად 8 ადამიანი დაშავდა, მათ შორის 2 არასრულწლოვანია. ისინი სასწრაფო სამედიცინო დახმარების ჯგუფებმა საავადმყოფოებში გადაიყვანეს. შემთხვევა რიონის დასახლებაში მოხდა. მომხდარზე დაწყებულია გამოძიება. რუსთავი 2
იმერეთში, სოფელ ჭოგნართან მომხდარ ავარიას ავარიას 8 თვის ბავშვი ემსხვერპლა. არსებული ინფორმაციით, ავტომობილს, რომელშიც დედა მცირეწლოვან შვილებთან ერთად იჯდა, მაღალი სიჩქარით მოძრავი მანქანა დაეჯახა. მძიმედ დაშავდა გარდაცვლილის დედაც, ის ყბა-სახის ტრავმებით რეფერალურ კლინიკაში გადის მკურნალობას, მეორე შვილის ჯანმრთელობის მდგომარეობას საფრთხე არ ემუქრება. ტვ პირველი
რუსთავი-თბილისის დამაკავშირებელ ჩქაროსნულ მაგისტრალზე ავტოსაგზაო შემთხვევა მსხვერპლით დასრულდა. საინფორმაციო სააგენტო “ინფო რუსთავის” ინფორმაციით, მსუბუქი ავტომობილის მძღოლმა საჭე ვერ დაიმორჩილა, გზის სავალი ნაწილიდან გადავიდა და ბენზინგასამართი სადგურის ბანერს შეეჯახა. ავტომობილში შემთხვევის დროს ორი 20 წლამდე ბიჭი ისხდა. ერთ-ერთი ადგილზევე გარდაიცვალა, ხოლო მეორე დაშავდა და სასწრაფო დახმარების ეკიპაჟმა კლინიკა “რუსთავში” გადაიყვანა. როგორც საიფორმაციო სააგენტოს სამედიცინო დაწესებულების ნეიროქირურგმა დავით გელაშვილმა […]
ბათუმში გზა ჩავარდა და სატვირთო მოიყოლა. ინციდენტის ამსახველი ვიდეო ფეისბუქში გვერდმა “ჩემი ქალაქი მკლავს” გამოაქვეყნა. “კიდევ ერთი ავტოსაგზაო შემთხვევა თქვენი აზრით რისი ბრალია ეს ყველაფერი? საბედნიეროდ არავინ დაღუპულა.” – წერია ფეისბუქის გვერდზე.
ყოფილი პოლიციელის, ვანო ზანდარაშვილის, საქმის განმხილველი 3 ნაფიცი მსაჯული, რომელიც თბილისიდან თელავში ვერდიქტის გამოსატანად მიემგზავრებოდა, ავარიაში მოყვა. ავტოსაგზაო შემთხვევა ცოტა ხნის წინ, გომბორის გზაზე მოხდა. წინასწარი ინფორმაციით, მათი ჯანმრთელობის მდგომარეობა დამაკმაყოფილებელია, თუმცა სასწრაფო დახმარების ჯგუფმა ისინი საავადმყოფოში გადაიყვანა. საქმე ეხება 2020 წელს თელავის მუნიციპალიტეტის სოფელ იყალთოში მომხდარ მკვლელობას, როდესაც თელავის პოლიციის მაშინდელი უფროსის ყოფილმა მოადგილე […]
იგოეთთან ავტოსაგზაო შემთხვევა მსხვერპლით დასრულდა. ამ დროისთვის უცნობია, რა გახდა ავარიის მიზეზი, რომლის შედეგადაც 2 ადამიანი ადგილზე გარდაიცვალა, 3 კი დაშავდა. მინივენის ტიპის მანქანა, ავტობანზე დასავლეთიდან აღმოსავლეთის მიმართულებით მოძრაობდა. ადგილზე მობილიზებულია საპატრულო, სასწრაფო და სამაშველო ბრიგადები. მიმდინარეობს საგამოძიებო ღონისძიებები. რუსთავი 2
ავარია მოხდა რუსთავი-თბილისის გზაზე. “ინფო რუსთავი”-ს ინფორმაციით მაგისტრალზე “მიცუბიშის” მარკის ავტომობილი ქვეითად მოსიარულეს დაეჯახა. ადგილზე მობილიზებული იყო საპატრულო პოლიციისა და სასწრაფო სამედიცინო დახმარების ეკიპაჟები.
თბილისში დაკარგული 20 წლის ლუკა ხეცურიანი იპოვეს. ის ოჯახის წევრებს თავად დაუკავშირდა. ახალგაზრდა კაცი გუშინ, საღამოს საათებში, ბეჟანიშვილის ქუჩიდან გაუჩინარდა. მისი ძებნის სამუშაოებში ჩართული იყო პოლიციაც.