რიკოთის უღელტეხილზე ხანძართან დაკავშირებით ახალი ინფორმაცია ვრცელდება. კერძოდ, ცეცხლი ბენზინმზიდს გაუჩნდა. ამის შედეგად ცეცხლი გაუჩნდა მიმდებარე ტერიტორიაზე არსებულ ტყის ნაწილსაც. დაშავდა ბენზინმზიდის მძღოლი. როგორც imedinews-ს საგანგებო სიტუაციების მართვის სამსახურში განუცხადეს, ადგილზე მობილიზებულია სახანძრო-სამაშველო ბრიგადები. ცეცხლის ჩაქრობას 6 სახანძრო ცდილობს. შემთხვევის გამო, ზესტაფონში გზა გადაკეტილია და თბილისისკენ მიმავალ მგზავრებს საპატრულო პოლიცია საჩხერის გავლით სთავაზობს გზის გაგრძელებას.
