ზუგდიდში წმინდა გიორგის სახელობის გიმნაზიის მოსწავლე დაჭრეს. არსებული ინფორმაციით, ფაქტს მოსწავლეებს შორის სიტყვიერი დაპირისპირება უძღოდა წინ. ინციდენტი სტადიონზე მოხდა. დაჭრილი სასწრაფო სამედიცინო დახმარების სამსახურმა ზუგდიდის რესპუბლიკურ საავადმყოფოში გადაიყვანა.
საავადმყოფოს მენეჯერის, ნიკა ჭეჟიას ინფორმაციით, მოზარდს ჭრილობა გულმკერდის არეში აქვს მიყენებული.
მოზარდის ჯანმრთელობის მდგომარეობა მძიმეა. ამის შესახებ ჟურნალისტებს რეფერალური საავადმყოფოს ემერჯენსის უფროსმა მაია ესებუამ განუცხადა.
მისივე თქმით, მოზარდს ჩაუტარდა უკვე შესაბამისი სამედიცინო გამოკვლევები და საოპერაციოშია შეყვანილი.
– ჭრილობა აქვს გულმკერდის არეში ბასრი საგნით მიყენებული, – განაცხადა მაია ესებუამ.
ფოტო: შემთხვევის ადგილი