თელავის მუნიციპალიტეტის სოფელ ვარდისუბნის საქონლის ბაზარში თავდასხმა მოხდა.6-კაციანი შეიარაღებული ჯგუფი, სოფელ ყარაჯალას 4 მკვიდრს ფიზიკურად გაუსწორდა. მათ შორის ერთი 14 წლის მოზარდია. მათგან 3 პირს ცეცხლნასროლი ჭრილობა სხეულის სხვადასხვა არეში აქვს მიყენებული.
დაშავებულებს მკურნალობა თელავის რეფერალურ საავადმყოფოში უტარდებათ.
დაზარალებულების თქმით, დაპირისპირება ვარდისუბნის მაცხოვრებლებს შორის მიწის ნაკვეთის გამო ჯერ კიდევ ერთი კვირის წინ მოხდა და დღეს დილით ისევ განახლდა.
დამნაშავეები დაზარალებულს ნაკვეთიდან ცხვრების გაყვანას სთხოვდნენ.
შსს-ს ინფორმაციით, გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ ნაკლებად მძიმე დაზიანებას გულისხმობს. დაკავებული ამ დროისათვის არავინ არის.
რუსთავი 2