ნიკა გვარამია – “ხვიბლიანი მძევალი არაა, ის ამ ოპერაციის დამგეგმავი ტვინია” – ვიდეო

ნიკა გვარამია - "ხვიბლიანი მძევალი არაა, ის ამ ოპერაციის დამგეგმავი ტვინია" - ვიდეონიკა გვარამია თვლის, რომ ზუგდიდის მძარცველს მძევალთა შორის თანამონაწილე ჰყავდა, გვარად ხვიბლიანი.

ამის შესახებ ის ფეისბუქში წერს:

“ახლა კარგად დააკვირდით ხვიბლიანის გადაადგილებას ამ ვიდეოში და მარტივად მიხვდებით, რომ არავითარი მძევალი ის არაა: ფორმალურად აქვს ხელები აწეული, გადაადგილდება საკუთარი მიხედულებით (და არა მკაცრად მითითებული მარშრუტით, როგორც სხვა მძევლები), ზოგჯერ ასწრებს კიდევაც ტერორისტს, რაც გამორიცხულია.
და მთავარი: დააკვირდით ვიდეოს ბოლო ათ წამს – ფარულად ამყარებს კომუნიკაციას ტერორისტთან.
ps ხვიბლიანიც ჩამოვიდა მანქანიდან პოლიციის უფროსთან ერთად და აწვება ლეგენდას, რომ ისიც მძევალი იყო. პოლიციაშია და იკითხება, დიახ, მაგრამ არა როგორც მძევალი, არამედ როგორც ტერორისტის თანამონაწილე. მეტიც, ამ ოპერაციის დამგეგმავი ტვინია ხვიბლიანი. ამ ვიდეოშიც მოქმედების ინსტრუქციებს აძლევს გამტაცებელს. მერე “საკუთარი ნებით და კეთილი განზრახვით” თვითონ უჯდება გამტაცებელს მანქანაში, ვითომ სხვა მძევლებს გადაეფარა. ამასობაში, საჯარისო ნაწილიდან, სადაც მსახურობს, არალეგალურად, უნებართვოდაა გამოპარული. რატომ? სენაკიდან ზუგდიდში რომ საქბანკში ჩასულიყო? სენაკში არაა ბანკი თუ რა ასეთი საჭიროება იყო, შინაგანაწესის ასეთი მძიმე დარღვევა რომ არ ჩაედინა?”