რუსთავში მოულოდნელად გარდაცვლილი ახალგაზრდა მამაკაცი ნიკა მედოიძეა.
21 წლის ბიჭი ახალგაზრდა მომღერალთა გუნდის “თუთარჩელას” ერთ-ერთი წევრი იყო, რომლის 26 წევრი კოვიდ 19-ით იყო ინფიცირებული.
როგორც “ინფო რუსთავს” გარდაცვლილის მეგობარმა განუცხადა, ბიჭი მოულოდნელად ცუდად გახდა და წაიქცა.
“ბიჭებს მუშაობა უნდა დაეწყოთ და გაუხდათ ცუდად, წაიქცა ორმოში. ამოიყვანეს და სანამ სასწრაფო მოვიდა თვითონ რაც შეძლეს, გულის მასაჟები გაუკეთეს. თუმცა ვერ გადრჩა”,- განუცხადა გარდაცვლილის მეგობარმა “ინფო რუსთავს”.
მეგობრის თქმით, 21 წლის ახალგაზრდა კოვიდსამკურნალო სასტუმროდან 25 ოქტომბერს გამოწერეს, სადაც უსიმპტომო კორონავირუსის გამო იმყოფებოდა.
ჯანდაცვის სამინისტროს განცხადებით, ნიკა მედოიძის გარდაცვალების სავარაუდო მიზეზი გულის გაჩერებაა. ამის შესახებ ჯანდაცვაში საგანგებო ბრიფინგის დროს ისაუბრეს.