აშშ-ს ადმინისტრაციამ განაცხადა, რომ არ ფლობს ინფორმაციას იმის შესახებ, რომ მოსკოვის საკონცერტო დარბაზზე თავდასხმის უკან უკრაინა დგას.
„ამ დროისთვის არ არსებობს რაიმე ნიშანი, რომ უკრაინა ან უკრაინელები მონაწილეობდნენ ამ სროლაში“, – განაცხადა ეროვნული უშიშროების საბჭოს სპიკერმა ჯონ კირბიმ.
„გაფრთხილებთ, არ დაუკავშიროთ ეს უკრაინას რაიმე ფორმით ასეთი დაჩქარებით. როდესაც ამ კადრებს უყურებთ (როგორც ჩანს, საუბარია საკონცერტო დარბაზის ფოიეში მომხდარი სროლის კადრებზე – BBC), უნდა გესმოდეთ, რომ არიან დედები, მამები, ძმები და დები, რომლებთანაც ინფორმაცია ჯერ არ მიუღწევია. . მძიმე დღე იქნება. ჩვენ მათზე ვფიქრობთ“, – თქვა კირბიმ.
კირბიმ ასევე გაიხსენა, რომ მოსკოვში ამერიკის საელჩომ გააფრთხილა აშშ-ის ყველა მოქალაქე რუსეთის დედაქალაქში, თავი აარიდონ საზოგადოებრივ შეკრებებს, მათ შორის კონცერტებს.
მსგავსი გაფრთხილება რუსეთში ბრიტანულმა მისიამ გაავრცელა.