კახა კალაძე თბილისის მერიაში ატესტაციის ჩატარებას გეგმავს. მისივე თქმით, მოხდება რეორგანიზაცია იმ საქალაქო სამსახურების, რომელთა უფლებამოსილებებიც ერთმანეთში იკვეთება. – არიან ადამიანები, ვინც პროფესიონალები და კომპეტენტურები არიან. ვიმოქმედებთ აბსოლუტურად გამჭვირვალედ და ღიად. არავის ვებრძვი. ჩატარდება ატესტაციები, ასევე, იქნება გარკვეული სამსახურების ცვლილებები. ბევრი სამსახური თავის უფლებამოსილებას ერთმანეთში კვეთენ. ჩვენთვის მთავარია პროფესიონალიზმი, კომპეტენტურობა და პატიოსნება. საზოგადოებამ მე მომანიჭა […]

მმართველი გუნდის დედაქალაქის მერობის არჩეული კანდიდატის, კახა კალაძის განცხადებით, თბილისის მერიაში რეფორმები და ცვლილებები აუცილებლად განხორციელდება. მისი თქმით, ცვლილებები პროფესიონალიზმს, კომპეტენციასა და პატიოსნებას დაეფუძნება: – აუცილებლად იქნება თბილისის მერიაში ცვლილებები, აუცილებლად იქნება რეფორმები. ჩვენი ყურადღება იქნება გამახვილებული პროფესიონალიზმზე, კომპეტენციაზე და პატიოსნებაზე. ამ რეფორმებს განვახორციელებთ მას შემდეგ, რაც უფლებამოსილება მოგვენიჭება, – განაცხადა კალაძემ.

კახა კალაძის თქით ის საკუთარ გუნდს მას შემდეგ წარადგენს, როდესაც კანონის შესაბამისად საქმიანობის დაწყების უფლება მიეცემა. თვითმმართველობის არჩევნებში ყველაზე მაღალი შედეგის მქონე თბილისის მერობის კანდიდატის განცხადებით სწორედ ეს გუნდი უზრუნველყოფს იმ დაპირებების შესრულებას, რომელიც კახა კალაძეს წინასაარჩევნოდ ქონდა წარდგენილი: – უნდა დასრულდეს არჩევნები მთელი ქვეყნის მასშტაბით. თქვენ იცით, რომ რეგიონებში, კონკრეტულ რაიონებში ტარდება მეორე ტური […]