ოზურგეთში 38 წლის მამაკაცმა თავი ჩამოიხრჩო. ჯერჯერობით უცნობია, რა გახდა სუიციდის მიზეზი. შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 115-ე მუხლით მიმდინარეობს რაც, თვითმკვლელობამდე მიყვანას გულისხმობს.
გორში ორი მაღაზია გაქურდეს. ,,ნიუპოსტის“ კორესპონდენტის ცნობით, ორივე შემთხვევა კომბინატის დასახლებაში, თარხნიშვილის ქუჩაზე მოხდა. ერთი მაღაზიიდან ალკოჰოლური სასმელები, მეორედან კი სასურსათო პროდუქტებია წაღებული. ორივე შემთხვევას გორის პოლიცია 177 მუხლის მეორე ნაწილით იძიებს.
რუსეთის მიერ ოკუპირებულ აფხაზეთში, გაგრის რაიონის სოფელ ლიძავაში 15 იანვარს ბიზნესმენის მანქანა ააფეთქეს. ადგილობრივი ე.წ სამართალდამცავების ინფორმაციით, პაკეტში მოთავსებული ასაფეთქებელი მოწყობილობა საქარე მინასა და „კაპოტს“ შორის იყო მოთავსებული. მძღოლმა გადაწყვიტა პაკეტი თავად ამოეძრო, რა დროსაც აფეთქება მოხდა. აფეთქების შედეგად მოსკოველმა ბიზნესმენმა მიხაილ ევალენკომ მძიმე დაზიანებები მიიღო. ის ოჯახმა სოჭის საავადმყოფოში გადაიყვანა, სადაც რამდენიმე რთული ოპერაცია […]
თბილისის ცენტრში მომხდარი სისხლიანი დაპირისპირების ფაქტზე სამართალდამცველებმა ორი პირი დააკავეს. ერთ-ერთი გიორგი ადუაშვილი, რომელსაც გამოძიება განზრახ მკვლელობის მცდელობაში ადანაშაულებს, ბასრი საგნით მიყენებული ჭრილობებით ამ დრომდე საავადმყოფოში რჩება. როგორც მისი მკურნალი ექიმი აცხადებს, პაციენტის ჯანმრთელობის მდგომარეობა დამაკმაყოფილებელია და ის საავადმყოფოდან ხვალ გაეწერება. „გადაყვანილია პალატაში, პოლიციის მეთვალყურეობის ქვეშ არის, ჩვენ გავწერთ ხვალ,“-ამბობს ექიმი. მეორე დაკავებულის, კოტე ჯორბენაძის […]
შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჩატარებული ოპერატიული სამძებრო და საგამოძიებო მოქმედებების შედეგად, 1989 წელს დაბადებული გ.ა. განზრახ მკვლელობის მცდელობის, ხოლო 1986 წელს დაბადებული კ.ჯ. დანაშაულის შეუტყობინებლობის ბრალდებით დააკავეს. შს სამინისტროს ინფორმაციით, დანაშაული განზრახ მკვლელობის მცდელობის შემთხვევაში 7-დან 15 წლამდე ვადით, ხოლო დანაშაულის შეუტყობინებლობა 3-დან 7 წლამდე ვადით თავისუფლების აღკვეთას ითვალისწინებს. „გამოძიებამ […]
ვერაზე, ერეკლე ტატიშვილის ქუჩაზე მომხდარი ინციდენტი ქუჩის სათვალთვალო კამერამ დააფიქსირა. ჩანაწერის თანახმად, 16 საათსა და 27 წუთზე, მძღოლის გარეშე მოძრავი მსუბუქი ავტომობილი დაგორდა ერეკლე ტატიშვილის ქუჩაზე. ავტომობილმა გადაჭრა მელიქიშვილის გამზირი და მოპირდაპირე მხარეს მდგარ მანქანას შეეჯახა. ავტომობილს საბარგულსა და უკანა მინაზე ნატყვიარები აღენიშნება. ვიდეომასალას “რადიო თავისუფლოება” ავრცელებს. https://www.facebook.com/tvpirveli/videos/386841022124405/
თბილისში, ვერაზე დაჭრილი ერთ-ერთი პირი 30 წლის გიორგი ადუაშვილია. ეს უკანსკნელი 2013 წელს მოკლული ბიზნესმენის, ავთანდილ ადუაშვილის ვაჟია. ანტონ ადუაშვილის ცხედარი საკუთარ ავტომობილში ზაზიაშვილის ქუჩაზე იპოვეს. ბიზნესმენის მკვლელობის ბრალდებით სამი პირი დააკავეს და უვადო პატიმრობაც მიუსაჯეს. ანტონ (ავთანდილ) ადუაშვილის განზრახ მკვლელობაში ერთ-ერთი ბრალდებული ვახტანგ ჩხაპელიაა, რომელიც მომღერალ სოსო პავლიაშვილის დის ქმარია. ადუაშვილები მკვლელობის დამკვეთად სწორედ […]
შეიარაღებული თავდასხმა დედაქალაქის ცენტრში – ვერაზე რამდენიმე საათის წინ ერთმანეთს კვლავ ორი დაჯგუფების წევრები დაუპირისპირდნენ. ტატიშვილის ქუჩაზე მომხდარი დაპირისპირების ერთ-ერთ მონაწილეს 6 ჭრილობა აქვს მიყენებული. ასევე დაცხრილულია ავტომობილი, რომლის მიმართულებითაც თავდამსხმელმა ცეცხლსასროლი იარაღის მჭიდი დაცალა. სისხლიანი დაპირისპირების კიდევ ერთ მონაწილეს ტყვია ფეხში მოხვდა. შედეგად დაიჭრა თავდამსხმელიც. ორმხრივ სროლაში მონაწილე ზურაბ კუჭავაც და გიორგი ადუაშვილიც ამ […]
ვერაზე სროლის შესახებ ახალი დეტალები გახდა ცნობილი. ვერაზე 6 გასროლის ხმა დაახლოებით 17:00 საათისთვის გაიგეს. “ნიუპოსტს” თვითმხილველები უყვებოდნენ, რომ ერეკლე ტატიშვილის ქუჩაზე მსუბუქი ავტომობილი ჩაცხრილეს. სროლის შემდეგ მძღოლმა, 1982 წელს დაბადებულმა თეიმურაზ ქვათაძემ, საჭე ვეღარ დაიმორჩილა, მანქანიდან გადმოვიდა, ავტომობილი კი ფილარმონიასთან დაპარკინგებულ სხვა მანქანას შეეჯახა. ქვათაძემ გაქცევა მოახერხა. “ნიუპოსტის” ინფორმაციით, თავდამსხმელების სამიზნე სწორედ ქვათაძე იყო. […]
9 წლის გოგონას მიმართ განხორციელებული შანტაჟის გამო დაკავებულ მამაკაცს სასამართლომ აღმკვეთი ღონისძიების სახით პატიმრობა შეუფარდა. ავთო კუცია წაყენებულ ბრალს აღიარებს. ამის მიუხედავად, მოსამართლემ ჩათვალა, რომ არსებობდა ბრალდებულის მიმალვის ან მტკიცებულებების განადგურების საფრთხე და მას წინასწარი პატიმრობა მიუსაჯა. „სასამართლომ ჩათვალა, რომ არსებობდა დანაშაულების გაგრძელების საფრთხე, ასევე, მტკიცებულებების განადგურების და მიმალვის საფრთხე. გამოძიება გრძელდება და შესაბამისად, გამოძიებას […]